Esdras 10:19 - Labib An Kreol Seselwa

¹⁹ Zot ti promet pour fer ale zot fanm e ofer en mouton mal koman sakrifis pour pardon zot fot.

Esdras 10:19 ပူးပေါင်းရင်းမြစ်များ

2 Rwa 10:15

Ler i ti kit Kan Berze, i ti rankontre Yonadab, garson Rekab ki ti vin zwenn li. I ti salye li e dir li, “Eski ou leker i senser parey mon leker anver ou leker?” Yonadab ti reponn, “Wi i senser.” Zehou ti reponn, “Si ou senser, donn mwan ou lanmen.” Yonadab ti donn li lanmen. Alor, Zehou ti fer li monte e fer li asiz dan bor li, dan son kales.

1 Kronik 29:24

Tou bann sef, bann vayan gerye, bann garson lerwa David ti soumet zot anba lerwa Salomon.

2 Kronik 30:8

Aprezan, aret antete parey zot zanset, me soumet zot anver SENYER; vin dan son sanktyer ki i'n konsakre pour touzour. Servi SENYER zot Bondye, pour li detourn kont zot son gran lakoler.

Esdras 10:20

Parmi bann garson Imer, ti annan Hanani ek Zebadya.

Lamantasyon 5:6

Nou bezwen al mandyan nou dipen avek Lezip e Lasiri

Levitik 6:4

Sa dimoun ki'n fer sa pese i koupab. I devre rann sa lobze ki i'n vole, oubyen ki i'n gannyen par frod, oubyen ki ti'n ganny konfye avek li, oubyen en lobze perdi ki i'n trouve;

Levitik 6:6

Koman sakrifis reparasyon pour SENYER, i devre anmenn kot pret en mouton mal san defo sorti dan son troupo, oubyen son lekivalan.

Galat 2:9

Kan zot ti rekonnet lagras ki mon ti'n gannyen, Zak, Pyer ek Zan ki ti ganny konsidere koman bann dirizan, bann kolonn, zot ti donn mwan ek Barnabas lanmen drwat; sa ti koman en siny lakominyon. Alor, nou ti tonm dakor ki Barnabas ek mwan, nou pou al kot bann non-Zwif e zot, zot pou al kot bann Zwif.