Esdras 1:8 - Labib An Kreol Seselwa

⁸ Siris, lerwa Lapers, ti fer Mitredat ki ti trezorye lerwa, tir tousala, konte e livre zot avek Sesbasar, en sef dan Zida.

Esdras 1:8 ပူးပေါင်းရင်းမြစ်များ

Esdras 1:11

Ti annan an tou, 5,400 lobze annor e annarzan. Sesbasar ti anmenn tousala avek li kan bann egzile ti kit Babilonn pour retourn Zerizalenm.

Esdras 2:2

Zot ti retourn ansanm avek Zorobabel, Zozye, Nehemi, Seraya, Reelaya, Mardose, Bilsann, Mispar, Bigvai, Rehoum ek Baana. La lalis bann zonm ki form bann group dan pep Izrael:

Esdras 5:14

Bann lobze annor e annarzan ki ti dan tanp Bondye ki Naboukodonozor ti pran dan tanp Zerizalenm e ki i ti'n anmennen dan tanp Babilonn. Lerwa Siris ti repran tou sa ki ti dan tanp Babilonn, e konfye avek Sesbasar, ki lerwa ti apwente koman gouverner Zide.

Esdras 5:16

Alor, Sebazar ti vin poz fondasyon tanp Bondye ki Zerizalenm. Depi sa letan ziska ozordi travay in kontinyen, me i pa ankor konplete.

Esdras 5:2

Alor, Zorobabel, garson Sealtiel ek Zozye, garson Yosadak, ti konmans rekonstri tanp Bondye dan Zerizalenm. Bann profet Bondye ti la avek zot, pour ed zot.

Zeremi 51:44

Mon pour pini Bel, bondye Babilonn. Mon pou fer li rann tou sa ki i'n vole. Bann nasyon pa pou ador Bel ankor. Miray Babilonn in tonbe.

Agze 1:1

Premye zour, sizyenm mwan, dan dezyenm lannen ki Dariis ti lerwa Lapers, SENYER liniver ti adres profet Agze en mesaz pour gouverner rezyon Zida, Zorobabel, garson Sealtiel, e pour Gran-Pret Zozye, garson Yosadak.

Agze 1:14

Alor, SENYER ti fortifye lespri Zorobabel, gouverner provens Zida, garson Sealtiel e avek lespri Zozye, garson Gran-Pret Yosadak, ansanm avek leres lepep. Zot ti vin travay pour rekonstri tanp zot Bondye, SENYER liniver.