Esdras 1:4 - Labib An Kreol Seselwa

⁴ Tou bann ki reste, dan nenport landrwa parmi bann pep, mon demande ki bann zabitan i fourni zot avek larzan ek lor, materyo, zannimo ek bann lofrann volonter pour tanp Bondye ki Zerizalenm.

Esdras 1:4 ပူးပေါင်းရင်းမြစ်များ

1 Kronik 29:17

SENYER! Mon konnen ki ou konn nou leker e ki ou pran plezir dan ladrwatir. Alor, avek en leker drwat ki mon'n ofer ou, volonterman, tou sa bann keksoz. Mon dan lazwa aprezan, ler mon war ou pep rasanble isi, pe ofer ou avek lazwa e volonterman.

1 Kronik 29:3

An plis, tou sa ki mon'n prepare pour tanp mon Bondye, mon donn sa ki mon posede, lor ek larzan. Mon donn sa akoz lentere ki mon annan anver tanp mon Bondye:

1 Kronik 29:9

Lepep ti rezoui akoz sa bann lofrann ti'n ganny ofer volonterman; zot ti'n ganny ofer anver SENYER avek bon leker. Lerwa David osi ti dan en gran lazwa.

2 Kronik 31:14

Kore, garson Yimna, ki ti levit, portye pour laport Les, ti ansarz bann don volonter ki zot ti ofer Bondye. I ti osi responsab pour distribye sa bann lofrann konsakre pour SENYER, ensi ki lezot lofrann.

Esdras 1:3

Zot tou ki form parti son pep, Bondye ava avek zot. Mont Zerizalenm, dan Zida e konstri tanp SENYER, Bondye Izrael. Li menm sa Bondye ki dan Zerizalenm.

Esdras 1:5

Alor, bann sef fanmir dan tribi Zida ek Benzamen, bann pret ek bann levit, tou bann ki Bondye ti'n enspir zot avek sa dezir, ti prepar zot pour mont Zerizalenm e rekonstri tanp SENYER.

Esdras 9:15

SENYER, Bondye Izrael, ou ki zis, ou'n permet ki ozordi, ki serten parmi nou i reste ankor vivan. Nou bann sirvivan; sanmenm sa ki nou ete ozordi. Nou la devan ou avek nou bann fot, alor ki personn pa ti devre kapab sibziste konmsa, devan ou.

Egzod 35:29

Tou zonm ek fanm ki ti annan en leker zenere pour kontribye dan tou bann travay ki SENYER ti'n ordonnen par lentermedyer Moiz, tou sa bann Izraelit, ti anmenn zot bann lofrann volonter pour SENYER.

Ezai 10:21

En restan pou retournen. Leres lepep pou retourn ver Bondye Pwisan Izrael.

Akt de Zapot 24:17

Apre ki mon ti'n absante dan Zerizalenm pandan plizyer lannen, mon'n retournen pour anmenn en pe larzan pour ed mon pep e pour prezant Bondye bann lofrann.

Galat 6:2

Anmenn fardo kanmarad e zot ava obei lalwa Kris.