Esdras 1:3 - Labib An Kreol Seselwa

³ Zot tou ki form parti son pep, Bondye ava avek zot. Mont Zerizalenm, dan Zida e konstri tanp SENYER, Bondye Izrael. Li menm sa Bondye ki dan Zerizalenm.

Esdras 1:3 ပူးပေါင်းရင်းမြစ်များ

1 Rwa 18:39

Kan zot ti'n war sa, pep antye ti prosternen e dir, “SENYER, li menm ki Bondye! SENYER li menm ki Bondye.”

1 Rwa 8:23

I ti dir: SENYER, Bondye pep Izrael, napa okenn Bondye parey ou, dan lesyel lao, ni anba lo later. Ou gard ou lalyans ek ou fidelite anver ou bann serviter ki mars devan ou avek tou zot leker.

1 Kronik 28:20

David ti dir ankor avek son garson Salomon, “Reste for, pran kouraz e azir. Pa bezwen ni per, ni dekouraze, akoz SENYER Bondye, mon Bondye i avek ou. I pa pou les ou tonbe, i pa pou abandonn ou, tan ki bann travay pour servis dan Tanp SENYER pa ankor fini.

Esdras 1:4

Tou bann ki reste, dan nenport landrwa parmi bann pep, mon demande ki bann zabitan i fourni zot avek larzan ek lor, materyo, zannimo ek bann lofrann volonter pour tanp Bondye ki Zerizalenm.

Esdras 4:3

Me Zorobabel, Zozye ek leres bann sef lafanmir Izrael ti reponn zot, “Konstriksyon en tanp pour nou Bondye pa konsern zot. Zis nou tousel, ki pou konstri en tanp pour SENYER, Bondye Izrael, parey lerwa Siris, lerwa Lapers in ordonn nou.”

Esdras 5:13

Pourtan, dan premye lannen son renny, Siris, lerwa Babilonn, ti ordonnen ki tanp Bondye i ganny rekonstri.

Esdras 5:3

Anmenmtan, Tatenai, gouverner provens lo lot kote larivyer, Setar-Boznai ek zot bann asosye ti vin demann zot, “Lekel ki'n donn zot lord pour rekonstri sa tanp e repar bann miray?”

Esdras 6:7

Les travay lo tanp Bondye kontinyen; les bann gouverner bann Zwif ek bann ansyen parmi bann Zwif kontiny travay konstriksyon lo tanp Bondye, lo son lanplasman.

Psonm 132:13

Annefe, SENYER in swazir Zerizalenm koman sa landrwa kot i anvi reste.

Psonm 83:18

Konmsa, zot ava konnen ki ou menm sel SENYER, Bondye Treo, lo later antye.

Ezai 37:16

SENYER liniver, Bondye Izrael, ou tronn i par lao bann seriben! Ou ki sel Bondye dan bann rwayonm lo later; ou ki'n kree lesyel ek later.

Ezai 44:28

Mon'n deklare lo size Siris: I mon berze i pou akonpli tou sa ki fer mwan plezir. Lo size Zerizalenm: I pou ganny rekonstri. Lo size tanp: Ou fondasyon pou ganny retabli.

Ezai 45:5

Mwan menm SENYER. Apard mwan, napa en lot Bondye. San ki ou konn mwan, mon'n prepar ou pour al lager,

Zeremi 10:10

Me SENYER i vreman Bondye; i sa vre Bondye vivan, e lerwa pour touzour. Later i tranble devan son lakoler e bann nasyon i enpwisan.

Danyel 2:47

Lerwa ti dir Danyel, “Vreman, ou Bondye i Bondye tou bann bondye, e SENYER tou bann lerwa, sa enn ki revel bann mister, akoz ou'n kapab revel sa mister avek mwan!”

Danyel 6:26

Mon ordonnen ki partou dan mon rwayonm, tou dimoun i montre respe ek loner anver Bondye Danyel. Annefe, Bondye i vivan e i viv pour touzour! Son rwayonm pa pou zanmen ganny detri! Son dominasyon pou reste ziska lafen.

Matye 28:20

Ansenny zot pour obei tou sa ki mon'n komann zot. Pa oubliye: Mwan, mon pou avek zot tou le zour, ziska lafen lemonn.”

Akt de Zapot 10:36

Zot konnen ki Bondye in anvoy son mesaz pour pep Izrael pour anons Bonn Nouvel lape par Zezi-Kri; li menm ki Senyer pour tou dimoun.

Deterononm 32:31

Me zot protekter pa parey nou Ros protekter; menm nou bann lennmi i rekonnet.

Zozye 1:9

Pa mon'n ordonn ou: Reste for, pran kouraz. Pa per, pa tranble, akoz SENYER, ou Bondye, i avek ou partou kot ou pou ale.