Eklezyas 8:9 - Labib An Kreol Seselwa

⁹ Mon'n obzerve tousala e mon'n reflesi lo tou sa ki pase anba soley. Zonm i domin lo son kanmarad pour fer son maler.

Eklezyas 8:9 ပူးပေါင်းရင်းမြစ်များ

2 Rwa 25:7

Zot ti egorz bann garson Sedesyas devan son lizye. Apre, zot ti krev son lizye, atas li avek lasenn an bronz e anmenn li Babilonn.

Egzod 14:28

Delo ti retournen e kouver bann kales lager, bann kavalye ek larme Faraon ki ti'n antre dan lanmer, deryer bann Izraelit. Pa ti reste en sel parmi zot.

Eklezyas 1:14

Mon'n war tou sa ki ganny fer anba soley; tousala i zis vanite, initil, konmsi ou pe tay deryer divan.

Eklezyas 3:10

Mon get lokipasyon ki Bondye in donn bann imen.

Eklezyas 3:16

La sa ki mon'n war ankor anba soley: Dan plas lalwa, i annan mesanste; la kot i devre annan lazistis, la ankor, i annan mesanste.

Eklezyas 4:1

Mon'n war tou bann eksplwatasyon imen ki egziste anba soley. Kriye bann ki ganny kraze e napa personn pour ed zot. Pouvwar i dan kote bann ki pe dominen e napa personn pour sekour zot

Eklezyas 5:13

Mon'n war en gran maler anba soley: Larises ki en zonm i akimile; sa i pour son maler.

Eklezyas 5:7

Bokou rev i zis vanite parey bokou parol. Alor, annan respe pour Bondye.

Eklezyas 5:8

Pa etonnen si ou war bann pov pe ganny kraze par labi e kan dimoun dan pei i perdi zot drwa e pa ganny lazistis. Annefe, par lao en fonksyonner enportan, i annan en sef pli enportan ki protez li; par lao tou le de, i annan en lot sef pli enportan ankor.

Eklezyas 7:25

Alor, mon ti etidye avek bokou atansyon pour rode kisisa lasazes e konpran pour ki rezon ki keksoz i arive. Mon'n aprann osi ki fer mesanste i en keksoz fou e bet.

Eklezyas 7:7

Pouvwar i rann en saz fou; kado i fer perdi bon rezonnman.

Deterononm 2:30

Me Sihonn, lerwa Hesbonn, pa ti les nou travers son pei. Annefe, SENYER, zot Bondye ti fer zot vin antete e andirsi son leker pour li livre zot anba ou pouvwar parey i ete ziska ozordi.