Eklezyas 7:4 - Labib An Kreol Seselwa

⁴ Bann zonm saz i mazin soufrans lanmor. Bann sot i pas letan dan festen.

Eklezyas 7:4 ပူးပေါင်းရင်းမြစ်များ

2 Samyel 13:28

Absalon ti donn sa lord son bann serviter, “Vey byen ler Amnon i soule avek diven, e mon ava dir: Tap Amnon! Zot ava touy li. Pa per, mwan ki donn zot lord. Pran kouraz, montre ki zot brav.”

1 Rwa 20:16

Zot ti fer en latak midi, letan ki Benn-Hadad ti pe bwar e soule avek 32 lerwa alye anba latant.

Eklezyas 2:1

Mon ti dir dan mwan menm: Mon pou teste ou avek bann plezir e fer ou konnen kisisa boner. La osi mon ti dekouver ki tousala ti zis vanite.

Eklezyas 7:3

Sagrinasyon i preferab ki pe riye, akoz anba en vizaz tris i kapab annan en leker ere.

Eklezyas 7:5

Plito ekout repros en saz ki ekout sanson bann sot.

Ezai 21:4

Mon'n perdi larezon; mon tranble avek lafreyer. Mon ti esper lannwit vini me aprezan, i fer mwan per.

Zeremi 51:39

Pour satisfer zot gran lapeti, mon pou prepar en gran festen pour zot, kot zot ava bwar ziska ler zot pou sou. Kan zot ava al dormi, zot pa pou zanmen leve, SENYER i deklare.

Zeremi 51:57

Mon pou soul son bann sef, son bann saz, son bann gouverner, son bann gerye. Zot pou al dormi pour touzour e zot pa pou zanmen lev ankor, sa enn ki Lerwa, ki apel SENYER liniver i deklare.

Danyel 5:30

Pandan sa lannwit ki ti swiv, Baltazar, lerwa Babilonn ti ganny touye.

Oze 7:5

Zour lafet pour lerwa, bann minis i bwar diven ziska zot malad; zot vin gaga e lerwa i fer parey.

Nahoum 1:10

Annefe, zot in vin parey brousay avek pikan ki'n anpaye. Zot in soule avek labwason. Zot pou ganny konpletman brile parey lapay sek.

1 Samyel 25:36

Ler Abigail ti ariv kot Nabal, ti annan en festen rwayal kot li. I ti dan lazwa e konpletman sou. Alor, i pa ti dir li nanryen ziska bomaten.

1 Samyel 30:16

Alor, sa Ezipsyen ti gid David. Bann Amalesit ti'n enstal zot partou dan sa pei. Zot pe manze, bwar e fer lafet, akoz sa kantite piyaz lager ki zot ti'n pran dan pei bann Filisten e dan pei Zida.