Egzod 9:4 - Labib An Kreol Seselwa

⁴ Me SENYER pou fer en distenksyon ant troupo bann Izraelit ek troupo bann Ezipsyen. Napa en sel zannimo bann Izraelit ki pou mor.

Egzod 9:4 ပူးပေါင်းရင်းမြစ်များ

Egzod 10:23

Dimoun pa ti war kanmarad pandan trwa zour; personn pa ti war kanmarad e zot pa ti bouze kot zot ti ete.

Egzod 12:13

Sa disan ava en siny lo bann lakaz pou montre kot zot ete. Ler mon pou war sa disan, mon pou pas par lao zot e sa fleo pa pou detri zot kan mon pou pini Lezip.

Egzod 8:19

Bann mazisyen ti dir Faraon, “Lanmen Bondye i ladan.” Me leker Faraon ti andirsi e parey SENYER ti dir, i pa ti ekout zot.

Egzod 8:22

Me sa zour, mon pou tret diferaman teritwar Gosenn, kot mon pep i reste pour ki ou ava konnen ki mwan SENYER, mon dan sa pei.

Egzod 9:26

Zis dan teritwar Gosenn kot pep Izrael ti reste, ki lagrel pa ti tonbe.

Egzod 9:5

SENYER in fikse en letan: Demen, mon pou azir lo pei antye.

Egzod 9:6

Lannmen, SENYER ti fer arive sa ki i ti'n dir: Tou troupo bann Ezipsyen ti mor, me dan troupo bann Izraelit, ti napa en sel zannimo ki ti mor.

Amos 4:7

Mon'n anpes lapli tonbe depi trwa mwan avan rekolt. Mon'n fer lapli tonm lo en lavil me pa lo en lot lavil. Lapli in tonm lo en plantasyon me sa enn ki pa'n ganny lapli, in sek.

Malasi 3:18

Ankor en fwa, zot ava war diferans ant sa enn ki zis ek en malfeter, ant sa enn ki servi Bondye ek sa enn ki pa servi li.