Egzod 9:25 - Labib An Kreol Seselwa

²⁵ Lagrel ti afekte tou keksoz ki ti dan lakanpanny, dimoun koman zannimo, partou dan Lezip. Lagrel ti afekte osi zerb e kas tou pye dibwa dan lakanpanny.

Egzod 9:25 ပူးပေါင်းရင်းမြစ်များ

Psonm 78:47

I ti detri zot plantasyon rezen par lagrel. Zot bann fig sovaz ti ganny devaste par gro lafreser.

Psonm 78:48

I ti les zot zannimo ganny detri par lagrel e zot betay par loraz ek zekler.

Egzod 9:19

Aprezan, fer met an sekirite tou ou troupo e tou sa ki ou annan dan lakanpanny; lagrel pou tonm lo tou dimoun ek tou zannimo ki deor dan lakanpanny e ki pa'n ganny anmennen dan bann landrwa kouver e zot pou mor.

Egzod 9:24

Lagrel, melanze avek dife ti tonbe; sa ti pli terib ki'n deza tonbe dan Lezip antye, depi ki sa nasyon i egziste.

Egzod 9:6

Lannmen, SENYER ti fer arive sa ki i ti'n dir: Tou troupo bann Ezipsyen ti mor, me dan troupo bann Izraelit, ti napa en sel zannimo ki ti mor.

Ezekyel 13:13

Alor, la sa ki Senyer BONDYE i deklare: Dan mon lakoler, mon pou fer en gro tanpet divan soufle, en gro lapli pou vini; lagrel pou tonbe avek en lafors terib e detri sa miray.

Zozye 10:11

Pandan ki bann Amorit ti pe sov bann Izraelit dan desant Bet-Horonn, SENYER ti fer tonm lo zot depi lesyel, lagrel parey bann gro ros, tou dilon, ziska Aseka. Plis zonm ti mor par lagrel ki par lepe bann Izraelit.