Egzod 8:6 - Labib An Kreol Seselwa

⁶ Aaron ti lev son lanmen dan direksyon bann larivyer Lezip. Grenouy ti monte e kouver Lezip antye.

Egzod 8:6 ပူးပေါင်းရင်းမြစ်များ

2 Samyel 7:22

Senyer BONDYE, ou gran! Napa personn parey ou, e dapre sa ki nou'n tande, napa en lot Bondye apard ou.

2 Kronik 6:14

I ti priye: SENYER Bondye pep Izrael! Napa okenn lot bondye, ni dan lesyel, ni lo later, parey ou. Ou gard ou lalyans, ou fidel anver ou bann serviter ki obei ou avek tou zot leker.

Psonm 105:30

Grenouy ti anvai zot pei ziska dan lasanm bann lerwa.

Psonm 78:45

I ti anvoy lo zot bann lesen mous ki ti devor zot e grenouy ki ti detri zot.

Psonm 86:8

Napa okenn bondye ki parey ou, SENYER; napa nanryen parey bann mervey ki ou'n fer.

Psonm 90:2

Avan ki ou ti kree bann montanny, avan ki ou ti form later ek lemonn, depi touzour e pour touzour, ou Bondye!

Egzod 10:2

pour ki ou osi, ou rakont ou bann zanfan ek ou bann pti zanfan ki mannyer mon ti tret bann Ezipsyen, e bann siny ki mon ti fer parmi zot. Konmsa, zot ava konnen ki mwan menm SENYER.”

Egzod 15:11

Lekel parmi bann bondye ki parey ou, SENYER? Lekel ki parey ou, e briye avek sentete, e ki fer bann mervey?

Egzod 7:19

SENYER ti dir Moiz, “Dir Aaron: Pran ou baton e lev ou lanmen lo tou bann delo ki annan dan Lezip: Larivyer, brans larivyer Nil, lanmar ek tou bann rezervwar delo. Zot ava vin disan e disan ava repann partou dan Lezip, ziska dan bann resipyan an bwa e an pyer.”

Egzod 9:14

Safwasi, mon pou anvoy tou kalite fleo lo ou, lo ou bann serviter e lo ou pep, pour ki ou ava konnen ki lo later antye, napa enn parey mwan.

Egzod 9:29

Moiz ti dir li, “Ler mon pou kit lavil, mon pou lev mon lanmen ver SENYER. Tapaz loraz pou arete e pou nepli annan lagrel. Konmsa, ou ava konnen ki later i pour SENYER.

Ezai 43:10

SENYER i deklare: Zot mon bann temwen e mon serviter ki mon'n swazir pour zot konn mwan e krwar dan mwan, konpran ki mwan menm sel Bondye. Avan mwan, ti napa okenn Bondye. Apre mwan, pa pou annan okenn lot.

Levitik 11:12

Tou sa ki viv dan delo e ki napa nazwar ek lekay ava ganny konsidere koman en keksoz degoutan.

Deterononm 32:31

Me zot protekter pa parey nou Ros protekter; menm nou bann lennmi i rekonnet.

Deterononm 33:26

Moiz ti dir ankor: Yesouroun! Personn pa parey Bondye. I travers bann nyaz pour li vin sekour ou.

Deterononm 4:35

In montre ou tousala, pour ki ou rekonnet ki SENYER i Bondye; ki napa okenn lot bondye apard li.

Revelasyon 16:13

Alor, mon ti war trwa lespri enpir parey grenouy. Zot ti sorti dan lagel sa dragon, dan lagel sa bebet e dan labous sa fo profet.