Egzod 8:28 - Labib An Kreol Seselwa

²⁸ Alor Faraon ti dir, “Mon pou les zot ale pour ofer sakrifis pour zot Bondye dan dezer, me selman pa al tro lwen. Priy pour mwan.”

Egzod 8:28 ပူးပေါင်းရင်းမြစ်များ

1 Rwa 13:6

Lerwa ti dir sa profet Bondye, “Sipliy SENYER ou Bondye pour ki mon lanmen i geri.” Sa profet Bondye ti priy SENYER, e lanmen lerwa ti geri e i ti retourn parey avan.

Esdras 6:10

Konmsa, zot ofer sakrifis ki donn en loder ki fer plezir Bondye dan lesyel e zot ava priye pour lavi lerwa ek son bann garson.

Egzod 10:17

Pardonn mwan mon pese ankor en fwa. Entersed pour mwan avek SENYER zot Bondye, pour ki i eparny mwan sa fleo lanmor.”

Egzod 3:19

Mwan mon konnen ki lerwa Lezip pa pou les zot ale, amwen ki i ganny forse par en lanmen solid.

Egzod 7:13

Me leker Faraon ti reste andirsi. Parey SENYER ti'n dir, i pa ti ekout zot.

Egzod 8:15

Me ler Faraon ti war ki ti nepli annan danze, i ti andirsi son leker e parey SENYER ti'n dir, i pa ti ekout zot.

Egzod 8:29

Moiz ti dir, “Koman mon ale, mon pou priy SENYER. Demen, bann lesen mous ava kit Faraon, son bann lantouraz ek tou son pep. Me, fodre pa ki Faraon i kontinyen tronp mwan e refize les pep Izrael al ofer sakrifis pour SENYER.”

Egzod 8:8

Faraon ti apel Moiz ek Aaron. I ti dir zot, “Priy SENYER pour tir sa bann grenouy kot mwan e kot mon pep. Answit, mon ava les bann Izraelit al ofer bann sakrifis pour zot SENYER.”

Egzod 9:28

Sipliy SENYER pour ki i fer arete loraz ek lagrel. Mon pou les zot ale; nou pa pou gard zot pli lontan.”

Eklezyas 6:10

Sa ki egziste in deza ganny son non; nou konnen ki mannyer zonm i ete, i pa kapab diskit avek en lot ki pli for ki li.

Zeremi 42:2

kot profet Zeremi. Zot ti dir li, “Nou sipliy ou, priy SENYER ou Bondye pour nou. Priy pour nou tou ki'n reste vivan. Parey ou kapab war ou menm, i pa reste bokou nou.

Oze 10:2

Zot leker pa senser. Aprezan, zot pou bezwen peye. Zot bann lotel pou ganny kraze. Zot bann ros sakre pou ganny detri.

Akt de Zapot 8:24

Simon ti reponn, “Ou menm, priy Senyer pour mwan pour ki okenn sa bann keksoz ki ou'n dir pa ariv mwan.”