Egzod 8:20 - Labib An Kreol Seselwa

²⁰ SENYER ti dir Moiz, "Demen, ou ava lev granmaten e al esper Faraon letan i pe al obor larivyer. Dir li: La sa ki SENYER i deklare: Les mon pep ale, pour zot al servi mwan.

Egzod 8:20 ပူးပေါင်းရင်းမြစ်များ

Psonm 105:31

Lo son lord, bann lesen mous ek moustik ti anvai e kouver pei.

Psonm 78:45

I ti anvoy lo zot bann lesen mous ki ti devor zot e grenouy ki ti detri zot.

Egzod 2:5

Fiy Faraon ti vin bennyen dan larivyer Nil, pandan ki son bann servant ti'n al marse lo bor larivyer. I ti war en pannyen parmi bann zon. I ti anvoy enn son bann servant anmas sa pannyen.

Egzod 3:18

Zot pou ekout ou. Ansanm avek bann ansyen parmi pep Izrael, ou ava al kot lerwa Lezip e dir li: SENYER, Bondye bann Ebre in revel li avek nou. Aprezan, nou demann ou permisyon pour fer en vwayaz trwa zour dan dezer pour nou ofer en sakrifis an loner SENYER nou Bondye.

Egzod 4:23

Mon ti dir ou: Les mon garson ale pour li servi mwan. Me ou refize les li ale. Alor, mon pou touy ou lene garson.”

Egzod 5:1

Apre, Moiz ek Aaron ti al kot Faraon. Zot ti dir li, “La sa ki SENYER, Bondye Izrael i deklare: Les mon pep ale pour li selebre en lafet an mon loner dan dezer.”

Egzod 5:3

Zot ti dir, “Bondye bann Ebre in aparet avek nou. Les nou pep ale pour en vwayaz trwa zour dan dezer pour al ofer sakrifis SENYER nou Bondye; sankwa i pou detri nou par maladi oubyen par lager.”

Egzod 7:15

Granmaten, al war Faraon. Ler i sorti pour al obor delo, esper li kot larivyer Nil. Anmenn avek ou sa baton ki ti vin serpan.

Egzod 8:1

SENYER ti dir Moiz: Al kot lerwa Lezip. Ou ava dir li: La sa ki SENYER i deklare: Les mon pep ale pour zot al servi mwan.

Egzod 8:21

Si ou pa les mon pep ale, mon pou anvoy mous lo ou, lo ou lantouraz e lo ou pep. Ou lakaz, ek lakaz bann Ezipsyen pou ranpli avek mous. Menm lo later kot zot debout pou annan mous.

Egzod 9:13

SENYER ti dir Moiz: Leve granmaten, e prezant ou devan Faraon. Dir li: La sa ki SENYER, Bondye bann Ebre i deklare: Les mon pep ale pour zot al servi mwan.