Egzod 8:10 - Labib An Kreol Seselwa

¹⁰ Faraon ti dir li, “Demen.” Moiz ti dir li, “Mon ava fer parey ou dir. Konmsa, ou ava konnen ki napa en lot parey SENYER, nou Bondye.

Egzod 8:10 ပူးပေါင်းရင်းမြစ်များ

2 Samyel 7:22

Senyer BONDYE, ou gran! Napa personn parey ou, e dapre sa ki nou'n tande, napa en lot Bondye apard ou.

1 Kronik 17:20

Dapre tou sa ki nou'n antann rakonte, napa personn koman ou, SENYER, napa okenn Bondye apard ou.

Psonm 83:18

Konmsa, zot ava konnen ki ou menm sel SENYER, Bondye Treo, lo later antye.

Psonm 86:8

Napa okenn bondye ki parey ou, SENYER; napa nanryen parey bann mervey ki ou'n fer.

Psonm 9:16

SENYER in montre ki i ete. Dan son zizman, in fer bann move dimoun pri dan zot prop latrap.

Egzod 15:11

Lekel parmi bann bondye ki parey ou, SENYER? Lekel ki parey ou, e briye avek sentete, e ki fer bann mervey?

Egzod 8:9

Moiz ti dir Faraon, “Silvouple, fer mwan konnen kan fodre mon priy pour ou, pour ou bann sef e pour ou pep, pour ki bann grenouy i sorti kot ou e dan ou bann lakaz, e al reste dan larivyer Nil.”

Egzod 9:14

Safwasi, mon pou anvoy tou kalite fleo lo ou, lo ou bann serviter e lo ou pep, pour ki ou ava konnen ki lo later antye, napa enn parey mwan.

Egzod 9:29

Moiz ti dir li, “Ler mon pou kit lavil, mon pou lev mon lanmen ver SENYER. Tapaz loraz pou arete e pou nepli annan lagrel. Konmsa, ou ava konnen ki later i pour SENYER.

Proverb 27:1

Pa fer vantar lo koman demen pour ete; akoz ou pa konnen sa ki kapab arive ozordi.

Ezai 40:18

Avek ki alor ou pou konpar Bondye? Lekel ki resanble li?

Ezai 40:25

Avek ki alor ou pou konpar Bondye? Lekel ki resanble li? Bondye Sen i demande.

Ezai 46:9

Mazin bann keksoz lontan akoz mwan menm Bondye, napa en lot. Mwan menm SENYER e napa en lot parey mwan.

Deterononm 3:24

Senyer BONDYE! Ou'n konmans montre mwan, ou serviter, ou grander ek ou pwisans. Napa lot bondye dan lesyel oubyen lo later ki kapab akonpli bann mervey ek bann aksyon formidab!

Deterononm 32:31

Me zot protekter pa parey nou Ros protekter; menm nou bann lennmi i rekonnet.

Deterononm 33:26

Moiz ti dir ankor: Yesouroun! Personn pa parey Bondye. I travers bann nyaz pour li vin sekour ou.

Deterononm 4:35

In montre ou tousala, pour ki ou rekonnet ki SENYER i Bondye; ki napa okenn lot bondye apard li.

Deterononm 4:39

Ozordi alor, rekonnet e medit dan ou leker ki SENYER i Bondye lao dan lesyel e anba lo later, e ki napa okenn lot bondye apard li.

Let Zak 4:14

Pourtan, zot pa ni menm konnen ki mannyer zot lavi pou ete demen. Kisisa zot lavi? Zot parey brouyar ki paret pour en pti moman e ki apre i disparet.