Egzod 7:17 - Labib An Kreol Seselwa

¹⁷ La sa ki SENYER i deklare: La koman ou ava konnen ki mwan menm SENYER: Avek sa baton ki dan mon lanmen, mon pou tap delo larivyer Nil ki ava vin disan.

Egzod 7:17 ပူးပေါင်းရင်းမြစ်များ

1 Rwa 20:28

Profet Bondye, ti aprose e dir lerwa Izrael, “La sa ki SENYER i deklare: Akoz bann Siriyen in dir SENYER i en bondye montanny, me pa en bondye laplenn, mon pou livre sa gran lafoul dimoun dan zot lanmen, e zot, zot ava konnen ki mwan menm SENYER.”

2 Rwa 19:19

Aprezan SENYER, nou Bondye, mon sipliy ou, sov nou anba lanmen Senakerib. Konmsa, tou bann rwayonm lo later ava konnen ki zis ou, SENYER, ki Bondye.

Psonm 105:29

I ti fer delo larivyer vin disan e tou bann pwason ti mor.

Psonm 78:44

I ti fer delo bann larivyer vin disan e bann Ezipsyen pa ti kapab bwar.

Psonm 83:18

Konmsa, zot ava konnen ki ou menm sel SENYER, Bondye Treo, lo later antye.

Psonm 9:16

SENYER in montre ki i ete. Dan son zizman, in fer bann move dimoun pri dan zot prop latrap.

Egzod 1:22

Alor, Faraon ti donn sa lord lepep antye, “Zot devre zet dan larivyer Nil, tou pti garson Izraelit ki ne; zot ava les viv tou bann pti fiy.”

Egzod 10:2

pour ki ou osi, ou rakont ou bann zanfan ek ou bann pti zanfan ki mannyer mon ti tret bann Ezipsyen, e bann siny ki mon ti fer parmi zot. Konmsa, zot ava konnen ki mwan menm SENYER.”

Egzod 4:9

Si zot pa krwar okenn sa de siny, si zot pa ekout ou, ou ava pran en pe delo dan larivyer Nil, e ou ava vers li ater. Sa delo ki ou ava pran dan larivyer Nil pou vin disan lo later.”

Egzod 5:2

Faraon ti dir, “Lekel li sa SENYER pour ki mon devre ekoute e les pep Izrael ale? Mon pa konn sa SENYER. Mon pa pou les pep Izrael ale.”

Egzod 6:7

Mon pou fer zot vin mon pep, e mon pou vin zot Bondye, pour ki zot konnen ki se mwan menm SENYER, zot Bondye ki'n fer zot sorti anba latas bann Ezipsyen.

Egzod 7:20

Moiz ek Aaron ti fer parey SENYER ti'n ordonn zot. Devan Faraon ek son bann serviter, i ti lev son baton e tap delo larivyer Nil; tou delo larivyer Nil ti vin disan.

Egzod 7:5

Konmsa, ler mon ava poz mon lanmen lo Lezip e fer bann Izraelit sorti parmi zot, bann Ezipsyen ava konnen ki mwan menm SENYER.”

Ezekyel 25:17

Mon pou egzekit mon vanzans e pini zot avek lakoler. Alor, zot ava santi mon vanzans e zot ava konnen ki mwan menm SENYER.

Ezekyel 29:9

Lezip pou vin en pei devaste, en dezer. A lor, zot ava konnen ki mwan menm SENYER. Akoz ou pe dir: Larivyer Nil i pour mwan, mwan ki'n fer li.

Ezekyel 30:19

Konmsa, ki mon pou egzekit zizman lo Lezip. Alor, zot ava konnen ki mwan menm SENYER.

Ezekyel 30:8

Kan mon ava'n met dife dan Lezip e tou bann ki pe ed li in ganny kraze, zot ava konnen ki mwan menm SENYER.

Ezekyel 32:15

Sa zour kan mon pou fer Lezip vin en dezer, depouy li avek tou sa ki i posede, e detri tou son zabitan. Alor, zot ava konnen ki mwan menm SENYER.

Ezekyel 32:6

Mon pou aroz later avek ou disan ziska ki i kouver montanny e ranpli bann larivyer.

Ezekyel 38:23

Konmsa ki mon pou montre tou nasyon ki mon en Bondye gran e sen. Alor, zot ava konnen ki mwan menm SENYER.

Ezekyel 39:28

Zot ava konnen ki mwan menm SENYER, zot Bondye. Apre ki mon'n deport zot dan pei etranze, mon pou rasanble zot lo later Izrael. Mon pa pou kit personn deryer.

Danyel 4:17

Sa i desizyon bann lanz, rezolisyon bann sen, pour ki tou bann et vivan i konnen ki Bondye Toupwisan i met tou bann rwayonm imen. I donn larwayote avek sa ki i anvi, e i elev an dernyen parmi bann imen.

Danyel 4:32

Ou pou ganny sase parmi bann imen; ou pou al viv parmi bann zannimo sovaz. Ou pou manz zerb parey bef, pandan set an, ziska ki ou rekonnet ki Bondye Toupwisan i annan pouvwar lo tou rwayonm imen, ki i donn sa ki i anvi.

Danyel 4:37

Aprezan mwan, Naboukodonozor, mon loue e mon elev lerwa lesyel! Akoz tou son bann mervey i vre e son bann aksyon i zis. I annan pouvwar abes bann ki ranpli avek lorgey.

Danyel 5:21

I ti ganny sase parmi bann imen e i ti vin parey zannimo. I ti reste parmi bann bourik sovaz; i ti manz zerb parey bef, e son lekor ti ganny tranpe avek laroze lesyel, ziska ki i ti rekonnet ki Bondye Toupwisan ki annan tou pouvwar lo rwayonm imen, e i donn avek ki i anvi.

Danyel 5:23

Ou'n met ou kont SENYER lesyel. Ou'n fer anmenn bann istansil son tanp devan ou. Ou avek ou bann zofisye rwayal, ou bann fanm ek ou bann menazer, zot in bwar diven ladan. Ou'n loue bann bondye annarzan e annor, an bronz e an fer, an bwa e an ros, ki pa ni war kler, ni tande e ki napa konnesans. Ou pa'n rann glwar sa Bondye ki tenir ou lavi e ki kontrol tou ou bann aksyon dan son lanmen.

Revelasyon 11:6

Zot annan pouvwar ferm lesyel pour ki lapli pa tonbe pandan letan ki zot pe profetize. Zot annan pouvwar sanz delo an disan. Zot osi annan pouvwar frap later avek toudsort kalite fleo sak fwa ki zot oule.

Revelasyon 8:8

Dezyenm lanz ti soufle dan son tronpet. En keksoz ki ti parey en gran montanny anflanm ti ganny zete dan lanmer. En tyer lanmer ti vin disan.