Egzod 7:11 - Labib An Kreol Seselwa

¹¹ Me Faraon ti osi apel son bann saz ek son bann sorsye. Sa bann mazisyen Lezip ti fer parey atraver zot bann pratik sekre.

Egzod 7:11 ပူးပေါင်းရင်းမြစ်များ

Zenez 41:8

Bomaten, son lespri ti trouble. I ti fer apel tou bann pret, bann mazisyen ek tou bann savan dan Lezip. Faraon ti rakont zot son rev, me ti napa personn ki ti kapab enterprete.

Egzod 7:12

Sakenn ti zet ater son baton ki ti vin serpan. Me baton Aaron ti anval zot baton.

Egzod 7:22

Me par zot pratik sekre, bann mazisyen ti kapab fer parey. Leker Faraon ti reste andirsi e, parey SENYER ti'n averti, i ti refize ekout zot.

Egzod 8:18

Bann mazisyen ti esey prodwir moustik, me zot pa ti kapab. Ti annan moustik lo dimoun koman lo zannimo.

Egzod 8:3

Zot pou ranpli larivyer Nil. Zot pou monte e antre dan ou pale, dan ou lasanm dormi, ziska dan ou lili. Bann grenouy pou antre kot ou, dan lakaz bann Ezipsyen, dan zot bann four e dan zot petren.

Egzod 8:7

Me bann mazisyen ti kapab fer parey. Gras a zot trik mazik, zot osi, zot ti fer bann grenouy monte partou dan Lezip.

Danyel 2:2

Alor, i ti fer apel bann mazisyen, bann savan, ek bann sorsye pour revel li sa ki i'n reve. Zot ti vin devan lerwa.

Danyel 2:27

Danyel ti reponn: Napa okenn savan, okenn mazisyen, okenn deviner ki kapab montre lerwa sa rev mister ki lerwa pe demande.

Danyel 4:6

Mon ti donn lord pour anmenn devan mwan, tou bann saz dan Babilonn pour ki zot donn mwan lenterpretasyon sa rev.

Danyel 5:11

I annan en zonm dan ou rwayonm ki annan lespri parey lespri bann bondye sen. Dan lepok ou papa, sa zonm ti posed konnesans ek lasazes parey lasazes bann bondye. Ou papa, lerwa Naboukodonozor, ti met li sef bann mazisyen, bann savan, ek bann deviner,

Danyel 5:7

Lerwa ti kriye avek tou son lafors, pour apel bann savan, bann mazisyen, bann deviner. I ti dir avek bann savan Babilonn: Sa enn ki kapab lir sa ki'n ganny ekri e dir mwan son lenterpretasyon, pou ganny met en rob rwayal rouz, en kolye annor otour son likou, e i ava ganny trwazyenm plas dan gouvernman mon rwayonm.

Matye 24:24

Annefe, bann fo mesi ek bann fo profet pou aparet. Zot pou fer bann gran mirak ek bann gran siny, si posib pour tronp menm bann ki Bondye in swazir.

Galat 3:1

Bann Galat fou! Lekel ki'n zet sor lo zot? Pourtan, zot in ganny en deskripsyon kler lo Zezi-Kri ki'n ganny krisifye.

Efezyen 4:14

Alor, nou pou nepli parey bann zanfan ki ganny trennen par laroul, e pouse partou par nenport ki divan lansennyman ki dimoun rize i fannen pour antrenn lezot dan lerer.

2 Tesalonisyen 2:9

Sa pwisans move pou azir avek pwisans Satan. I pou fer toudsort mirak ek bann siny ekstraordiner pour tronp dimoun.

2 Timote 3:8

Parey ki bann mazisyen Zannes ek Zanbres ti opoz Moiz, sa bann zans, zot opoz laverite. Zot en bann zonm avek lespri koronpi e zot lafwa pa vo nanryen.

2 Timote 3:9

Me zot pa pou al tre lwen, akoz tou dimoun pou dekouver zot betiz parey sa ki ti arive avek Zannes ek Zanbres.

Revelasyon 19:20

Sa bebet ti ganny kaptire, ensi ki sa fo profet ki ti'n fer bann siny devan li; bann siny ki ti tronp bann ki ti'n resevwar mark sa bebet ek bann ki ti ador son stati. Tou le de ti ganny zete vivan dan lak dife kot souf ti pe brile.

1 Samyel 6:2

Alor, bann Filisten ti apel bann pret ek bann mazisyen. Zot ti demande, “Ki nou pou fer avek Kof SENYER? Dir nou ki mannyer nou pou fer li retourn kot li.”