Egzod 6:13 - Labib An Kreol Seselwa

¹³ SENYER ti koz avek Moiz ek Aaron. I ti donn zot bann lord konsernan bann Izraelit ek Faraon, lerwa Lezip, pour li fer bann Izraelit sorti Lezip.

Egzod 6:13 ပူးပေါင်းရင်းမြစ်များ

Psonm 91:11

Annefe, i ava donn lord son bann lanz pour protez ou partou kot ou ale.

Egzod 6:12

Devan SENYER, Moiz ti dir “Si pep Izrael pa'n ekout mwan, ki mannyer Faraon pou ekout mwan, mwan ki napa laparol fasil?”

Egzod 6:14

La lalis bann sef fanmir bann Izraelit: Bann garson Riben, premye ne dan Izrael: Henok, Palou, Hesronn, ek Karmi; zot ti klan bann Ribenit.

Egzod 6:26

Sanmenm sa Moiz ek Aaron avek ki SENYER ti dir: Fer sorti bann Izra-elit dan Lezip koman en sel larme.

Nonm 27:19

Prezant li devan pret Eleazar e devan kominote. La, devan zot tou, proklanm li koman ou sikseser.

Nonm 27:23

I ti enpoz lanmen lo latet Zozye e proklanm li koman son sikseser, parey SENYER ti'n dir par lentermedyer Moiz.

Matye 4:6

Dyab ti dir li, “Si ou Garson Bondye, zet ou anba. Annefe, i'n ekri: Bondye pou donn lord son bann lanz lo ou size: Zot pou anmenn ou lo zot lanmen, pangar ou konny ou lipye avek en ros.”

Deterononm 31:14

SENYER ti dir Moiz, “Letan ou lanmor pe aprose. Apel Zozye e vin prezant zot dan Latant Rankont, pour mwan donn li mon bann lord.” Alor, Moiz ek Zozye ti al prezant zot dan Latant Rankont.

1 Timote 1:18

Timote, mon garson! Mon konfye ou sa lansennyman, ki annakor avek parol bann profet. Fer ki sa bann parol, i ou lafors dan sa bon konba ki ou'n livre

1 Timote 5:21

Nou demann ou solannelman devan Bondye, devan Zezi-Kri e devan tou bann lanz Bondye: Swiv sa bann regleman san okenn prezize e san fer preferans pour personn.

1 Timote 6:13

Mon demann ou devan Bondye ki donn lavi, e devan Zezi-Kri ki ti donn temwannyaz son lafwa devan Pons Pilat:

1 Timote 6:17

Pour bann ki posed larises dan sa monn, rekomann zot pa fer vantar. Dir zot pa met zot lesperans dan sa bann larises enserten, me dan Bondye ki donn nou tou keksoz annabondans pour nou zouir.

2 Timote 2:4

Si i oule fer plezir sa enn ki ti anrol li, en solda dan servis pa anbaras li avek bann zafer lavi sivil.

2 Timote 4:1

Mon demann ou solannelman devan Bondye e devan Zezi-Kri ki pou ziz bann vivan ek bann mor; mon demann ou lo non retour Zezi-Kri e lo non son Renny: