Egzod 6:1 - Labib An Kreol Seselwa

¹ SENYER ti dir Moiz, “Aprezan, ou ava war ki mon pou fer avek Faraon: Par pwisans mon lanmen ki i pou les ale mon pep, par pwisans mon lanmen ki i pou sas zot dan son pei.”

Egzod 6:1 ပူးပေါင်းရင်းမြစ်များ

2 Rwa 7:19

Sa zofisye ti'n reponn profet Bondye: Menm si SENYER li menm i ava fer lafnet dan lesyel, eski en tel keksoz pou arive? Elize ti'n dir: Ou ava war avek ou prop lizye me ou pa pou manze.

2 Rwa 7:2

Sa zofisye ki lerwa ti pe apiy lo son zepol ti dir avek profet Bondye, “Menm si SENYER ti fer bann lafnet dan lesyel, eski sa i ava kapab arive?” Elize ti reponn, “Ou ava war avek ou prop lizye, me ou pa pou manze.”

2 Kronik 20:17

Zot pa bezwen atake; zis pran pozisyon e espere. Zot ava war kot SENYER i ranport laviktwar pour zot. Pep Zida ek pep Zerizalenm! Pa per. Pa bezwen per. Sorti demen e al atak zot. Mwan SENYER, mon pou avek zot.

Psonm 12:5

SENYER i deklare: Akoz bann pov in ganny kraze, akoz bann ki dan bezwen pe plennyen, mon pou pran aksyon. Mon pou protez zot parey zot demande.

Psonm 12:6

Parol SENYER i pir. I parey larzan ki'n ganny pirifye set fwa.

Psonm 136:12

Avek en lanmen for e lebra leve; son fidelite i dire pour touzour.

Psonm 89:13

Ou lebra i pwisan; ou lanmen i pwisan, ou lev ou lanmen drwat anler.

Egzod 11:1

SENYER ti dir Moiz, “Mon pou anvoy ankor en dernyen fleo lo Faraon e lo Lezip. Apre sa, i pou les zot ale. Kan i ava les zot ale, i pou menm sas zot.

Egzod 12:31

Faraon ti fer apel Moiz ek Aaron aswar menm. I ti dir zot, “Sorti parmi mon pep, ou avek bann Izraelit. Al servi SENYER parey zot in dir.

Egzod 12:33

Bann Ezipsyen ti fer bann Izraelit degaze pour kit pei pli vit posib, akoz zot ti pe dir: Nou tou nou pou mor.

Egzod 12:39

Zot ti kwi galet san lelven avek lapat ki zot ti'n anmennen sorti Lezip e ki pa ti'n monte. Annefe, zot ti'n ganny sase Lezip, san ki zot ti kapab fer okenn provizyon pour zot menm.

Egzod 13:14

Alavenir, kan ou garson ava demann ou: Ki savedir sa? Ou ava reponn li: Par son pwisans, SENYER ti delivre nou dan lesklavaz Lezip.

Egzod 13:16

Sa i ava en siny lo ou lanmen e en mark lo ou fron ki ava fer ou rapel sa ki SENYER ti fer par son pwisans, ler SENYER ti fer nou sorti Lezip.”

Egzod 13:3

Moiz ti dir lepep: Mazin byen sa zour kan zot ti sorti Lezip, kot zot ti dan lesklavaz. Par lafors son lanmen ki SENYER ti fer zot sorti Lezip. Zot pa devre manz okenn dipen avek lelven.

Egzod 13:9

I ava vin en siny lo ou lanmen e en mark lo ou fron, pour ki lalwa SENYER i dan ou labous. Annefe, par son pwisans, SENYER ti fer ou sorti Lezip.

Egzod 14:13

Moiz ti dir pep Izrael, “Pa per! Reste debout e regarde ki mannyer SENYER pou sov zot ozordi. Sa bann Ezipsyen ki zot war ozordi pou disparet.

Egzod 15:6

Ou lanmen drwat SENYER, i gran par son pwisans. Ou lanmen drwat SENYER, in kraz lennmi.

Egzod 7:4

Faraon pa pou ekout ou. Mon pou met mon lanmen lo Lezip e par bann gran zizman, mon pep, bann Izraelit, pou kit Lezip.

Egzod 7:5

Konmsa, ler mon ava poz mon lanmen lo Lezip e fer bann Izraelit sorti parmi zot, bann Ezipsyen ava konnen ki mwan menm SENYER.”

Ezai 63:12

Pandan lamars, lekel ki ti soutenir Moiz par son lebra pwisan? I ti separ lanmer devan zot pour li fer son non ganny renonmen pour touzour.

Nonm 11:23

SENYER ti reponn Moiz, “Eski lebra SENYER i tro kourt? Mon pou fer ou war, si sa ki mon'n dir pou arive oubyen non.”

Nonm 23:23

Okenn sor pa pran lo Zakob. Ni okenn pouvwar mazik pa pou servi lo Izrael. Letan pou arive, kan dimoun pou dir lo Zakob ek Izrael: Get travay ki Bondye in fer.

Akt de Zapot 13:17

Bondye pep Izrael, ti swazir nou bann zanset. I ti fer sa pep vin en gran nasyon pandan letan ki zot ti pe viv Lezip. Par pwisans son lebra, i ti delivre zot dan pei Lezip.

Deterononm 32:39

Aprezan, gete! Mwan menm mwan, zis mwan ki la; napa en lot bondye apar mwan. Mwan ki donn lanmor e ki donn lavi. Mwan ki blese e ki geri. Personn pa kapab delivre sa enn ki dan mon lanmen.

Deterononm 4:34

Eski i annan en bondye ki'n deza esey swazir en nasyon pour li, parmi lezot nasyon, par bann leprev, bann siny, bann mervey ek bann lager; avek son pouvwar ek son lafors e par bann aksyon gran e ekstraordiner? Non, me SENYER, zot Bondye in fer zot dan lesklavaz Lezip, parey zot in war avek zot prop lizye