Egzod 5:22 - Labib An Kreol Seselwa

²² Moiz ti retourn kot SENYER. I ti dir li, “SENYER, akoz ou pe fer ou pep pas tou sa martir? Akoz ou'n anvoy mwan?

Egzod 5:22 ပူးပေါင်းရင်းမြစ်များ

1 Rwa 19:10

Eli ti reponn, “SENYER, Bondye liniver, mon pa kapab siporte ki pep Izrael in abandonn ou lalyans, detri tou ou bann lotel, e touy tou ou bann profet par lepe. I reste zis mwan e zot pe rod mwan pour touye.”

1 Rwa 19:4

Li, i ti mars dan direksyon dezer pandan en zournen. I ti asiz anba en zarbis e demann lanmor: Mon'n ganny ase. Aprezan, SENYER, pran mon lavi, akoz mon pa meyer ki mon bann zanset.

Psonm 73:25

Lekel ki mon annan dan lesyel apard ou? Lo later, mon sel dezir, se zis ou.

Egzod 17:4

Alor, Moiz ti kriy ver SENYER, “Ki mon pou fer avek sa pep? Zot pre pour saboul mwan avek ros.”

Zeremi 12:1

SENYER! Ou tro zis pour mwan akiz ou. Malgre sa, mon oule koz lo lazistis avek ou. Akoz malfeter i prospere dan lavi? Akoz bann malfeter i viv trankilman?

Zeremi 20:7

SENYER! Ou'n tronp mwan e mon'n les mwan ganny tronpe. Ou pli for ki mwan e ou'n pran mwan par lafors. Tou le zour, dimoun i riy mwan, e monk mwan.

Zeremi 4:10

Alor, mon ti dir, “Senyer BONDYE, ou'n vreman tronp sa pep; ou'n tronp bann zabitan Zerizalenm. Ou ti asir zot ki pou annan lape, me la, lepe i anba zot lagorz.”

Habakouk 2:3

Annefe, sa i ankor en vizyon pour en letan ki'n ganny fikse. I pou realize byento; sa i laverite. Si i tarde, espere, akoz i pou sirman realize, san tarde.

Nonm 11:11

Moiz ti sagren. I ti dir SENYER: Akoz ou fer ou serviter tris? Akoz ou ankoler avek mwan? Akoz ou les tou sa responsabilite lo mwan?

Zozye 7:7

Zozye ti dir, “Senyer BONDYE, akoz ou'n fer sa pep travers larivyer Zourden zis pour livre nou dan lanmen bann Amorit e detri nou? Nou ti'n devre reste lot kote larivyer Zourden!

1 Samyel 30:6

David ti dan en gran tourman, akoz lepep ti pe mazin saboul li akoud ros. Zot tou, zot ti bokou ankoler, sakenn pour son bann garson e bann fiy. Me David ti repran kouraz e met son konfyans dan SENYER, son Bondye.