Egzod 5:21 - Labib An Kreol Seselwa

²¹ Zot ti dir Moiz ek Aaron, “SENYER i war sa ki zot in fer, e i ava ziz zot. Zot in fer Faraon avek son bann serviter deteste nou. Ou'n met en lepe dan zot lanmen pour touy nou.”

Egzod 5:21 ပူးပေါင်းရင်းမြစ်များ

Zenez 16:5

Alor, Sarai ti dir Abranm, “Ou ava responsab konsekans bann lensilt ki mon pe gannyen. Mon'n donn ou mon servant pour dormi avek, e depi ki i konnen ki i ansent, in konmans ay mwan. SENYER ava vin ziz ant mwan ek ou!”

Zenez 31:53

Bondye Abrahanm e Bondye Nahor, ki osi Bondye zot papa, ava ziz ant ou ek mwan.” Alor, Zakob ti fer serman devan Bondye Izaak son papa.

Zenez 34:30

Zakob ti dir Simeon ek Levi, “Zot in anmenn problenm lo mwan par sa aksyon avek bann Kananeen, ek bann Perizit. Napa bokou nou, e si zot rasanble kont mwan e atak mwan, mon pou ganny detri avek tou mon fanmir.”

2 Samyel 10:6

Ler bann Amonit ti rekonnet ki zot ti'n ofans David en kantite, zot ti angaz 20,000 solda Siriyen sorti Bet-Rehob ek Soba, 1,000 zonm dan larme lerwa Maaka e 12,000 sorti kot bann zabitan Tob.

1 Kronik 19:6

Kan bann Amonit ti realize ki zot ti'n fer en keksoz onte vizavi David, Hanoun ek bann Amonit ti anvoy 30 tonn larzan, bann kales lager avek son kavalye sorti dan rezyon Mezopotami, Maaka ek Soba.

Egzod 14:11

Zot ti dir Moiz, “Pa ti annan ase latonm dan Lezip pour ki ou anmenn nou isi pour mor dan dezer? Ki ou'n fer avek nou?

Egzod 15:24

Pep Izrael ti mirmire kont Moiz. Zot ti dir, “Ki nou pou bwar?”

Egzod 16:2

Dan dezer, pep Izrael antye ti mirmire kont Moiz ek Aaron.

Egzod 4:31

Lepep ti krwar. Kan zot ti aprann ki SENYER ti'n azir an faver bann Izraelit e ki i ti'n war zot soufrans, zot ti prosternen e ador SENYER.

Egzod 5:20

Ler zot ti sorti kot Faraon, zot ti al zwenn Moiz ek Aaron ki ti pe esper zot.

Egzod 6:9

Moiz ti dir tou sa bann parol avek pep Izrael. Me zot pa ti ekout li akoz zot ti'n dekouraze anba sa lesklavaz kriyel ki zot ti ladan.

Eklezyas 10:1

Detrwa mous mor i enfekte e detri en parfen; en pe sotiz i gat lasazes ek loner.

Ezai 30:6

La en mesaz konsernan bann zannimo ki viv dan Negev: Atraver en pei kot i annan maler ek detres, la kot lyon, mal ek femel i reste, kot serpan ek dragon volan i reste, zot anmenn zot larises lo ledo bourik, zot trezor lo bos samo; kado pour en pep ki pa kapab fer nanryen pour ed zot!

Zoel 2:20

Mon pou sas bann sotrel ki sorti dan Nor; mon pou sas zot lwen dan en later sek e devaste. Mon pou anvoy son avangard, dan lanmer Mor, e sa ki deryer zot, dan lanmer Mediterane. Piyanter kadav bann gerye pou monte. SENYER in akonpli bann gran mervey.

Nonm 14:22

tou sa bann ki'n war mon laglwar ek bann siny ki mon'n fer dan Lezip e dan dezer, ki'n provok mwan deza dis fwa e ki pa'n obeir mwan,

Nonm 14:3

Akoz SENYER i anvi fer nou antre dan sa pei, si nou bezwen ganny masakre? Nou bann zanfan ek nou fanm pou ganny pran otaz! Pa ti ava preferab pour nou retourn Lezip?

1 Samyel 13:4

Izrael antye ti tande sa ki ti ganny dir: Sail in defet latroup bann Filisten e bann Filisten i nepli konnen ki pou fer avek zot. Lepep ti ralye deryer Sail dan Gilgal.

1 Samyel 27:12

Akis ti annan konfyans dan David, e i ti mazinen dan li menm: David in fer lennmi parmi son prop pep Izrael; e i reste mon zonm pour touzour.