Egzod 40:38 - Labib An Kreol Seselwa

³⁸ Dan lazournen, nyaz SENYER ti reste lo sanktyer; dan lannwit, ti annan en dife dan nyaz ki tou Izrael ti kapab war tou dilon zot vwayaz.

Egzod 40:38 ပူးပေါင်းရင်းမြစ်များ

2 Samyel 7:6

Mon pa'n reste dan en lakaz depi zour ki mon ti fer pep Izrael sorti dan Lezip ziska ozordi, me mon'n deplas mwan touzour anba en latant.

Psonm 105:39

I ti plas en nyaz pour protez zot; en dife ti ekler zot dan lannwit.

Psonm 78:14

Lizour, i ti gid zot par nyaz e lannwit, par dife.

Egzod 13:21

SENYER ti al devan zot dan en kolonn nyaz pandan lazournen e dan en kolonn dife aswar, pour zot kapab kontinyen marse lizour koman aswar.

Egzod 13:22

Sa kolonn nyaz pa ti kit lepep pandan lizour, ni sa kolonn dife aswar.

Nonm 10:34

Sak fwa ki zot ti deplase, nyaz SENYER ti touzour la par lao zot pandan lazournen.

Nonm 9:12

Pa les nanryen reste pour lannmen bomaten; les son karkas antye e pa kas okenn lezo; zot bezwen fer dapre bann lareg konsernan lafet Pak.

Nonm 9:15

Zour ki zot ti dres Latant SENYER, nyaz ti kouver Latant Temwannyaz. Aswar, i ti kouver Latant SENYER avek en lalimyer ziska bomaten.

Nonm 9:16

Sa nyaz ti la toultan. I ti kouver Latant SENYER e aswar i ti annan laparans en dife.