Egzod 40:35 - Labib An Kreol Seselwa

³⁵ Moiz pa ti kapab antre dan Latant Rankont, akoz nyaz ti reste lo la e laglwar SENYER ti ranpli sanktyer.

Egzod 40:35 ပူးပေါင်းရင်းမြစ်များ

1 Rwa 8:10

Kan bann pret ti sorti dan lasal sen, en nyaz ti ranpli tanp SENYER.

1 Rwa 8:11

Alor, akoz sa nyaz, sa bann pret pa ti kapab reste pour fer servis, akoz laglwar SENYER ti ranpli tanp SENYER.

2 Kronik 7:2

Bann pret pa ti kapab antre dan tanp akoz laglwar SENYER ti ranpli tanp.

Egzod 16:10

Pandan ki Aaron ti pe koz avek pep Izrael antye, zot ti get ver dezer e zot ti war laglwar SENYER aparet dan nyaz.

Egzod 29:43

La, mon pou rankontre pep Izrael. Sa landrwa ava ganny konsakre par mon laglwar.

Ezai 4:5

Alor, SENYER ava kree lo montanny Siyon e lo bann lasanble ki'n ganny konvoke, en nyaz avek lafimen pandan lazournen, e en laklerte koman en laflanm dife pandan lannwit. Konmsa, laglwar SENYER pou kouver tou,

Ezai 57:15

La sa ki sa enn ki plase tre, tre o, ki son demer i dan leternite, ki port non Sen i deklare: Mon reste lao dan en landrwa ki sen, me osi avek bann ki'n ganny kraze, osi avek bann ki'n ganny abese; pour relev lespri bann ki'n ganny kraze, pour relev lespri bann ki'n ganny abese.

Ezai 6:4

Zot lavwa ti fer tranble bann laport lo zot gon e tanp ti ranpli avek lafimen.

Ezekyel 10:4

Laglwar SENYER ti sorti kot seriben e monte dan direksyon lantre tanp. En nyaz ti ranpli tanp, me lakour ti ganny iliminen par laglwar SENYER.

Ezekyel 43:4

Laglwar SENYER ti antre dan tanp par laport ki vir lo kote Les.

Levitik 16:2

SENYER ti dir Moiz: Dir ou frer, Aaron, pa antre nenport ler dan sanktyer, anndan par deryer rido separasyon, kot Kof Lalyans. Annefe, i kapab mor, ler mon aparet dan lafimen par lao kouvertir Kof Lalyans.

Nonm 7:89

Ler Moiz ti antre dan Latant Rankont SENYER pour koz avek SENYER, en lavwa ki sorti par lao kouvertir Kof Lalyans ant sa de seriben, ti koz avek li.

Nonm 9:15

Zour ki zot ti dres Latant SENYER, nyaz ti kouver Latant Temwannyaz. Aswar, i ti kouver Latant SENYER avek en lalimyer ziska bomaten.

Revelasyon 15:8

Tanp ti ranpli avek lafimen ki siny laglwar ek pwisans Bondye. Personn pa ti kapab antre dan Tanp, ziska ki sa set fleo ki ti avek sa set lanz ti'n ganny akonpli.