Egzod 40:16 - Labib An Kreol Seselwa

¹⁶ Moiz ti fer egzakteman tou sa ki SENYER ti'n ordonn li.

Egzod 40:16 ပူးပေါင်းရင်းမြစ်များ

Zenez 6:22

Noe ti fer tou sa ki Bondye ti'n dir li.

Egzod 40:15

Ou ava donn zot lonksyon parey ou ti fer anver zot papa; zot ava servi mwan koman pret. Sa lonksyon avek delwil ava fer zot pret pour touzour atraver tou bann zenerasyon.

Egzod 7:6

Moiz ek Aaron ti fer koman SENYER ti'n ordonn zot.

Ezai 8:20

Konsilte lalwa ek bann temwannyaz! Si zot pa pe eksprim dapre sa parol, Napa lespwar lalimyer en nouvo zour pour lepep.

Zeremi 13:5

Alor mon ti ale e mon ti fer sa ki SENYER ti'n dir mwan.

Levitik 8:13

Moiz ti fer bann garson Aaron avans devan. I ti met zot, zot rob, anmar sentir otour zot leren e plas en bonnen lo zot latet, parey SENYER ti'n ordonn li.

Levitik 8:21

Parey SENYER ti'n ordonn li, Moiz ti lav trip ek bann lapat avek delo. I ti bril leres mouton lo lotel koman en sakrifis konplet, brile par dife, ki anvoy en loder ki fer plezir SENYER.

Levitik 8:9

Moiz ti poz en tirban lo son latet, e devan tirban i ti met en plak annor, kouronn sakre, parey SENYER ti'n ordonn li.

Nonm 1:19

Parey SENYER ti'n ordonn Moiz, i ti kont zot tou dan dezer Sinai.

Nonm 9:22

Si nyaz ti reste pour de zour, en mwan, ou menm pli lontan par lao Latant, bann Izraelit ti reste kanpe e zot pa ti bouze. Me kan nyaz ti leve, zot ti deplas avek li.

Matye 28:20

Ansenny zot pour obei tou sa ki mon'n komann zot. Pa oubliye: Mwan, mon pou avek zot tou le zour, ziska lafen lemonn.”

1 Korentyen 4:2

Tou administrater, i devre ganny trouve fidel.

Deterononm 12:32

Ou ava byen met an pratik tou sa ki mon'n ordonn ou. Ou pa pou ni azoute, ni tir nanryen.

Deterononm 4:1

Moiz ti dir pep Izrael: Aprezan, Izrael! Ekout bann regleman ek bann lalwa ki mon pe ansenny zot, pour zot met an pratik. Konmsa, zot ava viv pour antre e pran posesyon pei ki SENYER, Bondye zot bann zanset pe al donn zot.

Ebre 3:2

I ti fidel avek sa enn ki'n swazir li, parey Moiz ti fidel dan lakaz Bondye.

Ebre 3:5

Moiz ti fidel dan lakaz Bondye koman en serviter, pour li vin en temwen konsernan sa ki pou ganny dir.