Egzod 40:12 - Labib An Kreol Seselwa

¹² Ou ava prezant Aaron avek son bann garson devan lantre Latant Rankont e ou ava lav zot dan delo.

Egzod 40:12 ပူးပေါင်းရင်းမြစ်များ

Egzod 40:11

Ou ava fer lonksyon lo basen avek son sipor e i ava ganny konsakre.

Nonm 8:9

Fer bann levit avans devan Latant Rankont SENYER e rasanble kominote Izrael antye.

Matye 3:16

Zis koman i ti'n fini ganny batize, Zezi ti sorti dan delo. Alor, lesyel ti ouver pour li: I ti war Lespri Bondye desann lo li dan laform en pizon.

Levanzil dapre Lik 1:35

Lanz ti reponn li, “Lespri Sen pou desann lo ou. Bondye pou kouver ou avek son pwisans parey en lonbraz. Pour sa rezon, sa zanfan ki pou ne pou konsakre pour Bondye. I pou apel Garson Bondye.

Levanzil dapre Zan 3:34

Sa enn ki Bondye in anvoye, i koz Parol Bondye, akoz Bondye in donn li son Lespri annabondans.

Romen 8:3

Bondye in fer sa ki Lalwa Moiz pa ti kapab, akoz febles natir imen ti rann lalwa enpwisan. Bondye in anvoy son prop Garson dan en natir parey natir pese. I'n kondann pese dan natir imen.

Galat 4:4

Me, kan letan fikse ti'n arive, Bondye ti anvoy son prop Garson ki ti ne koman en et imen, anba soumisyon Lalwa.