Egzod 4:17 - Labib An Kreol Seselwa

¹⁷ Pran sa baton dan ou lanmen. Se avek sa, ki ou pou fer sa bann siny.”

Egzod 4:17 ပူးပေါင်းရင်းမြစ်များ

2 Rwa 4:29

Elize ti dir Gehazi, “Met ou sang dan ou leren, pran mon baton dan ou lanmen e ale. Si ou rankontre en dimoun dan semen, pa dir li bonzour, e si en dimoun i dir ou bonzour, pa reponn li. Ler ou arive, met mon baton lo figir sa garson.”

Egzod 14:16

Ou! Pran ou baton, lev ou lanmen lo lanmer e fann li pour ki pep Izrael ava kapab travers apye ziska lo sek.

Egzod 17:9

Moiz ti dir Zozye, “Swazir bann zonm kapab, e al lager kont Amalek. Demen, nou ava debout lo latet montanny avek baton SENYER dan lanmen.”

Egzod 4:2

SENYER ti demann li, “Ki ou annan dan ou lanmen?” I ti reponn, “En baton.”

Egzod 4:20

Moiz ti met son fanm ek son bann garson lo bourik e retourn Lezip. Moiz ti pran baton Bondye dan son lanmen.

Nonm 20:8

Pran ou baton avek ou e ansanm avek ou frer Aaron, rasanble tou dimoun. Koz avek sa ros devan zot, e delo ava sorti dan sa ros. Konmsa ki ou ava fer sorti delo dan sa ros. Zot ava bwar e zot zannimo osi.

1 Korentyen 1:27

O kontrer, Bondye in swazir sa ki paret fou dan lemonn, pour fer onte bann saz. Bondye in swazir sa ki paret feb dan lemonn, pour fer onte bann ki for.