Egzod 39:7 - Labib An Kreol Seselwa

⁷ Zot ti ganny met lo bann bretel lefod koman en memoryal an faver bann zanfan Izrael, parey SENYER ti'n ordonn Moiz.

Egzod 39:7 ပူးပေါင်းရင်းမြစ်များ

Nehemi 2:20

Mon ti reponn zot, “Bondye dan lesyel ki pou fer nou reisi. Nou son bann serviter, nou pou konmans rekonstri lavil. Me zot, zot napa okenn par ladan, okenn drwa, napa nanryen pour zot dan Zerizalenm.”

Egzod 28:12

Ou ava plas sa de pyer presye lo zepolet lefod koman en memoryal an faver bann garson Izrael. Konmsa, Aaron ava anmenn zot non devan SENYER lo son de zepol, koman en memoryal.

Egzod 28:29

Kan Aaron ava'n antre dan sanktyer, i ava port lo son leker, non bann garson Izrael, grave lo pektoral zizman; sa i ava en memoryal pour touzour devan SENYER.

Egzod 28:7

I ava annan de bretel lo sak kote pour tenir zot ansanm.

Mark 14:9

Mon dir zot, sa i laverite: Partou kot sa Bonn Nouvel ava ganny anonse, dan lemonn antye, sa ki sa fanm in fer, pou osi ganny rakonte an son memwar.”

Zozye 4:7

Zot ava reponn ki delo larivyer Zourden ti koup an de devan Kof Lalyans SENYER. Kan Kof ti pas dan larivyer Zourden, delo Zourden ti koup an de. Konmsa, sa bann ros ava vin en memoryal pour bann Izraelit.