Egzod 36:2 - Labib An Kreol Seselwa

² Moiz ti fer apel Besalel, Oholiab ek lezot artizan kalifye ki SENYER ti'n donn lentelizans, e ki leker ti dispoze pour fer sa bann travay lo en baz volonter.

Egzod 36:2 ပူးပေါင်းရင်းမြစ်များ

1 Kronik 28:21

La bann klas bann pret ek bann levit pour tou bann servis dan tanp SENYER. I ava annan bann volonter ki kalifye pour nenport ki travay, bann sef ek pep antye, pour egzekit ou bann lord.”

1 Kronik 29:5

Sa i ava osi servi pour tou bann travay par bann artizan: Lor, pour sa ki devret annor, larzan sa ki devret annarzan. Lekel ki pare pour angaz li volonterman, e konsakre li ozordi pour SENYER?

Egzod 25:2

Dir pep Izrael fer en kontribisyon pour mwan, ki zot ava pran parmi bann zonm ki annan en leker zenere.

Egzod 25:40

Veye ki ou fer zot dapre model ki mon'n montre ou lo montanny.

Egzod 28:3

Ou ava koz avek tou bann artizan ki mon'n donn bokou abilite ek lasazes. Demann zot fer bann labiyman pour Aaron pour ki i kapab ganny konsakre pour servi mwan koman pret.

Egzod 31:6

Mon'n swazir Oholiab, garson Ahisamak, sorti dan tribi Dann, koman son asistan. Mon'n donn abilite ek talan bokou bann artizan, pour zot kapab fer tou sa ki mon'n ordonn ou:

Egzod 35:10

Tou bann artizan ki annan talan parmi zot, ava vin fer tou sa ki SENYER in komande:

Egzod 35:2

Travay ava ganny fer pandan sis zour; me setyenm zour pou en zour sakre, en saba, en zour repo pour SENYER. Sa enn ki travay sa zour pou ganny touye.

Egzod 36:1

Besalel, Oholiab e tou bann zonm ki SENYER ti'n donn lasazes ek disernman neseser pour zot kapab fer tou bann travay pour servis dan sanktyer, ti egzekit bann travay egzakteman parey SENYER ti'n ordonnen.

Egzod 36:3

Moiz ti remet avek zot tou bann kontribisyon ki bann Izraelit ti'n donnen pour konstriksyon sanktyer. Me tou le bomaten, dimoun ti kontinyen donn Moiz zot lofrann volonter.

Akt de Zapot 14:23

Dan sak Legliz, zot ti nonm bann ansyen. Apre ki zot ti'n zennen e priye, sa de zapot ti konfye zot dan lanmen Bondye dan ki zot ti'n krwar.

Kolosyen 4:17

Dir Arsip, fer sir ki i fer byen sa travay ki i'n ganny konfye dan servis Senyer.

Ebre 5:4

Personn pa kapab fer son lekor sa loner pour vin en Gran-Pret. I ganny apele par Bondye, parey Aaron li menm ti ganny apele.