Egzod 34:7 - Labib An Kreol Seselwa

⁷ ki gard son fidelite ziska mil zenerasyon; ki pardonn fot, dezobeisans ek pese. Me mon pa deklar inosan, sa enn ki koupab. Mon fer zanfan ek pti zanfan rann kont pese zot bann paran, ziska trwazyenm ek katriyenm zenerasyon.

Egzod 34:7 ပူးပေါင်းရင်းမြစ်များ

Zenez 19:16

Lot ti ezite. Alor, sa bann zonm ti atrap Lot, son fanm ek son de fiy par lebra e anmenn zot an deor lavil, akoz SENYER ti pran pitye pour li.

1 Rwa 8:30

Ekout siplikasyon ou serviter ek ou pep Izrael ler nou pou vin priye dan sa landrwa. Ekoute, depi ou demer dan lesyel! Ekoute, e pardonnen.

1 Rwa 8:32

depi lesyel ou ava ekoute. Ou ava pran aksyon e ziz ou serviter. Ou ava kondann sa enn ki koupab e enpoz responsabilite son tor lo li; ou ava fer akit sa enn ki inosan e tret li dapre lazistis.

2 Kronik 30:9

Si zot retourn ver SENYER, alor bann ki pe gard zot frer ek zot zanfan prizonnyen, ava pran konpasyon pour zot e ava les zot retourn dan zot pei. SENYER zot Bondye i bon e i ranpli avek konpasyon. I pa pou detourn kont zot, si zot retourn ver li.

Nehemi 1:5

Mon ti dir, “SENYER, Bondye ki dan lesyel, Bondye gran e terib! Ou gard ou lalyans e ou fidel anver tou bann ki kontan ou e ki gard ou bann komannman.

Nehemi 9:32

Aprezan, nou Bondye, Bondye ki gran, pwisan e ki merit respe; ou ki gard ou lalyans e montre ou fidelite pran kont sa maler ki'n tap nou, nou bann lerwa, nou bann sef, nou bann pret, nou bann profet, nou bann zanset, ek tou ou pep, depi lepok bann lerwa Asiri, ziska ozordi.

Liv Zob 10:14

Si mon fer pese, ou vey mwan e ou pa pardonn mwan.

Psonm 103:3

I pardonn tou ou bann fot e i geri tou ou bann maladi.

Psonm 109:14

Fot son papa ek son gran papa ava reste la, devan SENYER e pese son manman pa pou ganny efase.

Psonm 130:4

Me pardon i kot ou, e nou ava annan respe pour ou.

Psonm 136:10

I ti touy bann premye ne bann Ezipsyen; son fidelite i dire pour touzour.

Psonm 136:15

I ti detri Faraon ek son larme dan lanmer Rouz, son fidelite i dire pour touzour.

Psonm 25:11

SENYER! Pour loner ou non, pardonn mwan bann gro pese ki mon'n fer.

Psonm 86:15

Me ou SENYER! Ou en Bondye ki annan konpasyon e ki pran pitye. Ou pasyan; ou fidelite e ou bonte i gran.

Psonm 99:8

SENYER, nou Bondye! Ou ti reponn ou pep. Ou en Bondye ki ti pardonnen; me ou ti osi pini zot pour zot bann fot.

Egzod 23:21

Fer sir ou obeir li. Pa revolte kont li, akoz i pa pou pardonn ou bann fot. Annefe, i vin lo mon non.

Egzod 23:7

Pa vin konplis dan mansonz; pa touy en dimoun inosan, oubyen sa enn ki annan rezon, akoz mon pa pou soutir en koupab.

Egzod 33:19

SENYER ti dir, “Mon pou pas devan ou. Mon pou montre ou tou bann byenfe e proklanm mon non devan ou: SENYER. Mon pou bon anver sa enn ki mon pou bon; mon pou montre konpasyon anver sa enn anver ki mon ava montre konpasyon.

Egzod 34:9

I ti dir, “SENYER! Si vreman mon'n ganny ou faver, mon sipliy ou pour mars avek nou, akoz latet sa pep i dir. Ou pou pardonn nou, nou fot ek nou pese e aksepte nou koman ou posesyon.”

Ezai 45:21

Koze! Prezant zot ka. Diskit ansanm avek kanmarad. Lekel ki'n fer konnen tousala depi lontan? Lekel ki'n anons tousala? Pa mwan, SENYER? Napa okenn lot bondye apard mwan, en Bondye ki zis e Sover. Napa okenn lot bondye apard mwan.

Zeremi 30:11

Mon avek ou pour sov ou, SENYER i deklare. Mon pou detri tou bann nasyon kot mon ti deport ou. Me ou, mon pa pou detri ou. Sepandan, mon pou koriz ou dapre lazistis. Annefe, mon pa pou kapab tret ou konmsi ou ti inosan.

Zeremi 32:18

Ou ti montre ou fidelite anver plizyer zenerasyon. Me ou osi pini zanfan pour pese ki zot paran e zot gran paran i fer. Ou menm Bondye ki gran e for; ou menm ki nou apel SENYER liniver.

Zeremi 9:24

Si en dimoun i oule fer vantar, fer li akoz i ase malen pour konn mwan. Mwan, SENYER, mon azir avek fidelite, lazistis e avek drwatir. Sanmenm sa ki fer mwan plezir. SENYER i deklare.

Danyel 9:4

Mon ti priy SENYER, mon Bondye, e mon ti fer sa konfesyon: Senyer, Bondye gran e terib! Ou ki gard ou lalyans ek ou fidelite anver bann ki kontan ou e ki gard ou bann komannman!

Danyel 9:9

Senyer, nou Bondye, ou pran konpasyon e ou pardonnen; pourtan nou'n revolte kont ou.

Mise 6:11

Eski mon pou kontinyen toler zot bann balans fose e aksepte ki zot met bann pwa trike dan zot sak?

Mise 7:18

Napa bondye ki parey ou, SENYER; ou efas fot e pardonn pese restan ou pep. Ou pa gard ou lakoler pour touzour, me ou pran plezir montre ou fidelite.

Nahoum 1:6

Lekel ki kapab reziste dan son lakoler? Lekel ki kapab siport lasaler son lakoler? Son rankin i propaze parey dife. Bann ros i fann devan li.

Matye 12:31

Pour sa rezon, mon dir zot: Tou pese ek tou blasfenm, i kapab ganny pardonnen. Me sa enn ki blasfenm kont Lespri Sen, pa pou zanmen ganny pardonnen.

Matye 6:12

Pardonn nou, nou lofans, parey nou pardonn bann ki'n ofans nou.

Levanzil dapre Lik 7:42

Koman zot pa ti kapab rann li, alor, i ti anil det tou le de. Lekel ant sa de ki ou krwar pou kontan li plis?”

Levanzil dapre Lik 7:48

Alor, Zezi ti dir avek sa fanm, “Ou bann pese in ganny pardonnen.”

Akt de Zapot 13:38

Pour sa rezon, mon bann frer! Mon oule ki zot konnen: Se atraver Zezi ki pardon pese pe ganny anonse avek zot.

Akt de Zapot 5:31

Bondye in elev li lo son kote drwat e i'n etabli li koman Sef ek Sover pour donn pep Izrael lokazyon pour sanz zot lavi e resevwar pardon zot pese.

Efezyen 1:7

Annefe, par disan Zezi-Kri, nou'n ganny sove, e par larises son lagras, nou bann pese in ganny pardonnen.

Efezyen 4:32

O kontrer, viv bon, ranpli avek lafeksyon anver kanmarad; pardonn kanmarad, parey Bondye in pardonn zot par Kris.

Deterononm 32:35

Mwan ki fer vanzans, mwan ki donn rekonpans zour zot lipye ava glise, akoz zour zot maler pa pe tarde, zot desten pe ariv an vites.

Deterononm 7:10

Me i pini direkteman sa bann ki ay li; i fer zot disparet. I pa ezite pour pini bann ki ay li; i pini zot direkteman.

Deterononm 7:9

Aprezan, rekonnet: SENYER, ou Bondye i sel Bondye. Li menm sa vre Bondye fidel dan son lalyans avek sa bann ki kontan li e ki gard son komannman, ziska mil zenerasyon.

Ebre 12:29

Annefe, nou Bondye i en dife ki devor tou.

Zozye 24:19

Zozye ti dir lepep, “Zot pa pou kapab servi SENYER, akoz i en Bondye sen; en Bondye ki zalou avek pasyon; i pa pou pardonn zot, zot bann revolt e zot bann pese.

1 Zan 1:9

Si nou konfes nou pese, Bondye ki fidel e zis, pou pardonn nou nou pese e pirifye nou kont tou lenzistis.

Revelasyon 20:15

Tou bann ki zot non pa ti ganny trouve ekri dan Liv lavi, ti ganny zete dan lak dife.

Revelasyon 21:8

Me pour bann las, bann enfidel, bann dimoun degoutan, bann kriminel, bann prostitye, bann sorsye, bann adorater zidol, ek tou bann manter, zot plas pou dan lak dife ek souf. Sa i dezyenm lanmor.