Egzod 34:6 - Labib An Kreol Seselwa

⁶ SENYER ti pas devan li e proklanmen: Mwan menm SENYER, SENYER Bondye ranpli avek pitye ek konpasyon, pasyan, gran dan son fidelite ek lwayote;

Egzod 34:6 ပူးပေါင်းရင်းမြစ်များ

Zenez 24:27

I ti dir, “Mon remersye, SENYER, Bondye mon met, Abrahanm! I'n touzour montre son gran bonte ek fidelite anver mon met. SENYER in diriz mwan kot lakaz bann fanmir mon met.”

2 Samyel 24:14

David ti reponn Gad, “Mon dan en gran detres. Mon demann ou les nou tonm dan lanmen SENYER, akoz i annan gran konpasyon; me ki mon pa tonm dan lanmen zonm.”

1 Rwa 19:11

Mesaze ti dir li, “Sorti! Prezant ou lo montanny devan SENYER.” Annefe, SENYER ti pe pase. En gro divan vyolan ti fann montanny, e kas bann ros an morso, devan SENYER; me SENYER pa ti dan divan. Apre divan, ti annan en tranblemandter; me SENYER pa ti dan tranblemandter.

1 Rwa 8:30

Ekout siplikasyon ou serviter ek ou pep Izrael ler nou pou vin priye dan sa landrwa. Ekoute, depi ou demer dan lesyel! Ekoute, e pardonnen.

2 Kronik 30:9

Si zot retourn ver SENYER, alor bann ki pe gard zot frer ek zot zanfan prizonnyen, ava pran konpasyon pour zot e ava les zot retourn dan zot pei. SENYER zot Bondye i bon e i ranpli avek konpasyon. I pa pou detourn kont zot, si zot retourn ver li.

Nehemi 9:17

Zot ti refize obei e zot ti oubliy bann mervey ki ou ti fer parmi zot. Zot ti revolte e dan zot revolt, zot ti swazir en sef pour retourn dan zot lesklavaz Lezip. Me ou en Bondye ki pare pour pardonnen; ou bon, ou annan konpasyon, pasyans, gran fidelite, e ou pa ti abandonn zot,

Psonm 108:4

Ou fidelite i pli gran ki lesyel; ou lanmour i ariv ziska dan nyaz.

Psonm 111:4

I fer rapel son bann mervey. SENYER i bon e ranpli avek konpasyon.

Psonm 111:8

Zot in ganny etabli pour touzour e ganny akonpli fidelman e avek drwatir.

Psonm 112:4

Menm dan fernwanr, lalimyer i briye pour bann ki drwat. I ranpli avek konpasyon; i bon e i zis.

Psonm 116:5

SENYER i bon e i zis. Nou Bondye i ranpli avek konpasyon.

Psonm 138:2

Mon prosternen ver ou tanp e mon selebre ou non akoz ou fidelite ek ou lanmour, akoz ou'n akonpli plis ki sa ki ou ti'n promet.

Psonm 145:8

SENYER i bon e i pran pitye; i pasyan e son fidelite i gran.

Psonm 146:6

I'n fer lesyel, later, lanmer ek tou sa ki egziste. I tenir son promes pour touzour.

Psonm 31:19

SENYER! Ou rezerv ou gran labonte pour sa enn ki montre respe anver ou. Ou protez bann dimoun ki met zot konfyans dan ou.

Psonm 57:10

Ou lanmour i osi gran ki lesyel. Ou fidelite i monte ziska dan nyaz.

Psonm 86:15

Me ou SENYER! Ou en Bondye ki annan konpasyon e ki pran pitye. Ou pasyan; ou fidelite e ou bonte i gran.

Psonm 86:5

SENYER! Ou bon e ou pare pour pardonnen. Ou fidelite i gran pour dimoun ki kriy ver ou.

Psonm 91:4

I ava kouver ou anba son lezel; ou ava ganny labri anba son bann plim. Son fidelite ava en boukliye e en zarm protekter pour ou.

Egzod 20:5

Ou pa pou azenou devan zot e ou pa pou ador zot. Annefe, mwan SENYER ou Bondye, mon en Bondye zalou. Mon pini bann zanfan pour pese zot papa ziska trwazyenm ek katriyenm zenerasyon bann ki ay mwan.

Egzod 22:27

akoz sa i son sel lenz pour kouver son lekor. Dan kwa ki i pou dormi? Si ou prosen i kriy ver mwan, mon pou antann, akoz mon annan konpasyon.

Egzod 33:19

SENYER ti dir, “Mon pou pas devan ou. Mon pou montre ou tou bann byenfe e proklanm mon non devan ou: SENYER. Mon pou bon anver sa enn ki mon pou bon; mon pou montre konpasyon anver sa enn anver ki mon ava montre konpasyon.

Proverb 3:3

Reste touzour bon e fidel. Atas sa bann kalite otour ou likou; ekri zot lo lardwaz ou leker.

Eklezyas 8:11

Nou tarde pour kondann en move aksyon, akoz leker imen i ranpli avek move lentansyon.

Ezai 12:4

Sa zour, ou pou dir: Loue SENYER, envok son non. Fer bann nasyon konnen tou bann mervey ki i'n fer.

Ezai 65:16

Alor, tou dimoun dan pei, ki oule en benediksyon, pou ganny li lo non Bondye fidel. Tou dimoun ki dan sa pei, ki fer en ve, pou fer li lo non Bondye fidel; akoz bann detres lepase i'n ganny oubliye. Mon dir ou, zot pou ganny efase devan mwan.

Zeremi 32:18

Ou ti montre ou fidelite anver plizyer zenerasyon. Me ou osi pini zanfan pour pese ki zot paran e zot gran paran i fer. Ou menm Bondye ki gran e for; ou menm ki nou apel SENYER liniver.

Zeremi 9:24

Si en dimoun i oule fer vantar, fer li akoz i ase malen pour konn mwan. Mwan, SENYER, mon azir avek fidelite, lazistis e avek drwatir. Sanmenm sa ki fer mwan plezir. SENYER i deklare.

Lamantasyon 3:23

Tou le bomaten, son lanmour i nef! Ou fidelite i gran.

Zoel 2:13

Pa desir zot lenz, me plito zot leker. Retourn kot SENYER, zot Bondye, akoz i ranpli avek konpasyon ek pitye. I ranpli avek pasyans ek fidelite; i regret bann pinisyon.

Zonas 4:2

I ti priy SENYER: SENYER! Sanmenm ki mon ti dir letan mon ti ankor dan mon pei. Pour sa rezon ki mon ti prefere sove pour al Tarsis, akoz mon konnen ki ou en Bondye ki bon e ranpli avek pitye, touzour pare pour pardonnen, ou pa pran lakoler vitman, ou ranpli avek lanmour e ou pa kontan fer ditor personn.

Mise 7:18

Napa bondye ki parey ou, SENYER; ou efas fot e pardonn pese restan ou pep. Ou pa gard ou lakoler pour touzour, me ou pran plezir montre ou fidelite.

Mise 7:20

Ou pou montre ou fidelite anver Zakob e ou lanmitye anver Abrahanm, avek ki otrefwa, par en serman, ou ti promet nou bann zanset.

Nahoum 1:3

SENYER i pasyan e son pwisans i gran. SENYER pa zanmen fer en koupab pas pour inosan. I tras son semen atraver gro divan ek tanpet; bann nyaz i koman lapousyer anba son lipye.

Nonm 12:8

Mon koz avek li fas a fas san servi okenn parabol e i menm war mon laform! Koman eski zot oze koz kont mon serviter Moiz san okenn lafreyer.

Levanzil dapre Zan 1:17

Bondye ti donn nou son Lalwa atraver Moiz, me se par Zezi-Kri ki nou'n ganny lagras ek laverite.

Romen 2:4

Oubyen, eski ou pa apresye gran labonte, pasyans ek zenerozite Bondye? Eski ou pa konnen ki labonte Bondye i devre anmenn sanzman dan ou lavi?

Deterononm 32:3

Mon pou proklanm non SENYER, rekonnet ki nou Bondye i gran.

Deterononm 4:31

Annefe, SENYER, ou Bondye i en Bondye ranpli avek konpasyon; i pa pou abandonn ou ni detri ou. I pa pou oubliy lalyans ki i ti fer avek ou bann zanset.

Deterononm 5:10

Me mon montre mon fidelite ziska mil zenerasyon, anver sa bann ki kontan mwan e ki gard mon bann komannman.

Let Zak 5:11

Nou deklar zot byennere akoz zot i'n reste fidel. Zot in antann koz lo pasyans Zob. Zot in war sa ki Senyer in fer pour li alafen. Annefe, Senyer i ranpli avek labonte ek konpasyon.