Egzod 34:4 - Labib An Kreol Seselwa

⁴ Alor, Moiz ti koup de plak ros parey sa de premye. I ti leve granmaten e al lo montanny Sinai parey SENYER ti'n ordonn li; i ti anmenn sa de plak ros dan son lanmen.

Egzod 34:4 ပူးပေါင်းရင်းမြစ်များ

Egzod 19:20

SENYER ti desann lo latet montanny Sinai, e i ti apel Moiz lo latet montanny. Moiz ti monte.

Egzod 19:3

Moiz ti mont kot Bondye e SENYER ti apel li lo montanny. I ti dir li, “La sa ki ou pou dir desandan Zakob ek pep Izrael:

Egzod 32:16

Sa bann plak ros ti louvraz Bondye li menm. Lekritir ki ti'n grave lo sa de plak ros, ti lekritir Bondye.

Egzod 34:1

SENYER ti ordonn Moiz: Koup de plak ros parey sa de avan. Mon pou ekri lo zot, menm parol ki ti lo bann premye plak ki ou ti kase.

Deterononm 10:1

Dan sa letan, SENYER ti dir mwan: Tay de plak ros parey sa de avan e vin lao lo montanny kot mwan; fer osi en kof an bwa.

Deterononm 10:3

Alor, mon ti fer en kof avek dibwa akasya, tay de plak ros parey sa bann avan e mont lo montanny avek sa de plak ros dan mon lanmen.