Egzod 34:25 - Labib An Kreol Seselwa

²⁵ Ou pa pou ofer disan en sakrifis avek lelven e ou pa pou les lavyann sakrifis lapannkot reste ziska lannmen bomaten.

Egzod 34:25 ပူးပေါင်းရင်းမြစ်များ

Egzod 12:10

Zot pa pou les nanryen reste ziska bomaten. Sa ki ava reste bomaten, i devre ganny brile.

Egzod 12:20

Zot pa devre manz nanryen ki'n kwi avek lelven. Partou dan zot lakaz, zot devre manz dipen san lelven.

Egzod 12:8

Sa menm swar, zot ava manz sa lavyann; zot ava manz lavyann roti lo dife avek bann dipen san lelven ek zerb anmer.

Egzod 23:18

Ou pa pou ofer disan mon sakrifis avek dipen kwi avek lelven, ni les lagres mon sakrifis reste ziska lannmen bomaten.

Egzod 29:34

Si lannmen bomaten, i reste okenn lavyann oubyen dipen ki'n servi pandan sa seremoni, ou ava brile dan dife, tou sa ki'n reste. Fodre pa manz li, akoz i sakre.

Levitik 2:11

Tou lofrann vezetal ki ganny ofer devan SENYER pa devre annan lelven. Ou pa devre servi ni lelven, ni dimyel dan sakrifis brile pour SENYER.

Levitik 7:15

Lavyann ki servi pour sakrifis lape an rekonesans, ava ganny manze menm zour ki sakrifis i ganny ofer. Fodre pa les okenn lavyann reste ziska lannmen bomaten.

Nonm 9:12

Pa les nanryen reste pour lannmen bomaten; les son karkas antye e pa kas okenn lezo; zot bezwen fer dapre bann lareg konsernan lafet Pak.

Matye 13:33

Zezi ti rakont zot ankor en lot parabol, “Rwayonm lesyel i parey lelven ki en fanm i pran e melanz avek 25 kilo lafarin ki fer monte lapat antye.”

Deterononm 16:3

Pandan lafet, ou pa pou manz nanryen ki'n kwi avek lelven. Pandan set zour, ou ava manz dipen san lelven, en dipen douler, akoz ou ti kit Lezip an tayan. Alor, sa i ava rapel ou tou dilon ou lavi, sa zour ki ou ti sorti Lezip.

Deterononm 16:4

Pandan set zour, pa pou annan okenn lelven dan pei antye. Okenn lavyann sa zannimo sakrifis ki ou'n touye aswar sa premye zour, pa devre ganny garde ziska lannmen bomaten.