Egzod 34:18 - Labib An Kreol Seselwa

¹⁸ Ou ava obzerv lafet dipen san lelven. Pandan set zour, dan moman fikse, dan mwan bann zepi, ou ava manz dipen san lelven, parey mon ti ordonn ou, akoz ti pandan mwan bann zepi ki ou ti sorti Lezip.

Egzod 34:18 ပူးပေါင်းရင်းမြစ်များ

Egzod 12:2

Sa mwan, ava pour zot konmansman lannen. I ava pour zot premye parmi bann mwan dan lannen.

Egzod 12:42

SENYER ti vey lo zot sa swar antye, pour tir zot Lezip. Pour pep Izrael antye, e pour tou bann zenerasyon fitir, sa i en lannwit kan zot veye an loner SENYER.

Egzod 13:3

Moiz ti dir lepep: Mazin byen sa zour kan zot ti sorti Lezip, kot zot ti dan lesklavaz. Par lafors son lanmen ki SENYER ti fer zot sorti Lezip. Zot pa devre manz okenn dipen avek lelven.

Egzod 13:4

Zot pe sorti ozordi, dan mwan Abib.

Egzod 23:14

Trwa fwa par an, ou ava selebre en lafet an mon loner:

Egzod 23:15

Ou ava obzerv lafet Dipen san lelven. Ou ava manz dipen san lelven pandan set zour, parey mon'n ordonn ou, dan letan fikse dan mwan Abib, kan zot ti sorti Lezip. Personn pa pou vin devan mwan lanmen vid.

Levitik 23:6

Kenzyenm zour sa menm mwan, i ava lafet Dipen san lelven an loner SENYER. Pandan set zour, zot ava manz dipen san lelven.

Nonm 28:16

Lafet Pak an loner SENYER devret ganny selebre katorzyenm zour premye mwan.

Nonm 28:17

Son lannmen, kenzyenm zour sa premye mwan, zot ava fer en lafet. Zot ava manz dipen san lelven pandan set zour.

Mark 14:1

De zour avan Pak ek lafet Dipen san lelven, bann gran-pret ek bann profeser Lalwa ti pe rod en fason pour aret Zezi an sekre pour touy li.

Levanzil dapre Lik 22:1

Lafet Dipen san lelven, ki apel Pak, ti pre pour arive.

Akt de Zapot 12:3

Kan i ti war ki tousala ti fer plezir bann Zwif, i ti osi fer aret Pyer. Sa ti pas pandan lafet Dipen san lelven.