Egzod 34:14 - Labib An Kreol Seselwa

¹⁴ Ou pa devre ador okenn lot bondye, akoz non SENYER i Zalou! I en Bondye zalou.

Egzod 34:14 ပူးပေါင်းရင်းမြစ်များ

1 Rwa 14:15

SENYER pou frap Izrael. I pou parey en tiz ki balanse dan delo; i pou aras Izrael dan sa bon teritwar ki i'n donn son bann zanset, e i pou dispers li lo lot kote larivyer Efrat, akoz zot in provok lakoler SENYER avek bann ros sakre ki zot in fer.

1 Rwa 19:10

Eli ti reponn, “SENYER, Bondye liniver, mon pa kapab siporte ki pep Izrael in abandonn ou lalyans, detri tou ou bann lotel, e touy tou ou bann profet par lepe. I reste zis mwan e zot pe rod mwan pour touye.”

Egzod 33:19

SENYER ti dir, “Mon pou pas devan ou. Mon pou montre ou tou bann byenfe e proklanm mon non devan ou: SENYER. Mon pou bon anver sa enn ki mon pou bon; mon pou montre konpasyon anver sa enn anver ki mon ava montre konpasyon.

Ezai 57:15

La sa ki sa enn ki plase tre, tre o, ki son demer i dan leternite, ki port non Sen i deklare: Mon reste lao dan en landrwa ki sen, me osi avek bann ki'n ganny kraze, osi avek bann ki'n ganny abese; pour relev lespri bann ki'n ganny kraze, pour relev lespri bann ki'n ganny abese.

Ezai 9:6

En zanfan in ne pour nou; nou'n ganny en garson. Lotorite i repoz lo son zepol. Zot apel li: Konseye merveye, Bondye pwisan, Papa eternel, Prens Lape.

Ezekyel 23:25

Akoz mon lakoler kont ou, mon pou les zot tret ou avek vyolans. Zot pou koup ou nennen ek ou zorey; bann ki reisi sirviv pou ganny masakre. Zot pou atrap ou bann garson ek fiy e bann ki sirviv pou ganny brile.

Nahoum 1:2

SENYER i en Bondye zalou ki vanze. SENYER i tir vanzans, e i tre ankoler. SENYER i revanz lo son bann ladverser, e gard son lakoler kont son bann lennmi.

Matye 4:10

Zezi ti reponn li, “Sorti la, Satan! Ale. I'n ekri: Se Senyer, ou Bondye ki ou devre adore e li tousel ki ou devre servi!”

1 Korentyen 10:22

Eski nou oule fer Senyer zalou? Eski nou krwar ki nou pli for ki li?

Deterononm 29:20

SENYER pa pou pardonn zot, akoz lakoler ek zalouzi SENYER pou monte kont zot. Tou bann malediksyon ki'n ganny ekri dan sa liv ava tonm lo zot e SENYER ava efas zot non anba lesyel.

Deterononm 32:16

Zot ti rann li zalou avek bann bondye etranze. Zot ti provok li avek bann lobze degoutan.

Deterononm 32:21

Zot ti rann mwan zalou avek bann fo bondye; zot ti provok mwan avek zot bann zidol. Alor, mon pou rann zot zalou avek bann dimoun ki pa en pep, provok zot avek en nasyon fou.

Deterononm 4:24

Rapel byen ki SENYER, ou Bondye i en dife ki devor tou. I en Bondye zalou.

Deterononm 5:24

Zot ti dir mwan: Gete! SENYER, nou Bondye in montre nou son laglwar ek son grander e nou'n antann son lavwa sorti dan dife. Ozordi, nou'n war ki Bondye i kapab koz avek en imen i sa dimoun i kapab reste vivan.

Deterononm 5:7

Ou pa pou annan okenn lezot bondye apard mwan.

Deterononm 6:15

akoz SENYER, ou Bondye ki viv parmi ou, i en Bondye zalou. Lakoler SENYER, ou Bondye i kapab anflanmen kont ou e detri ou lo later.

Zozye 24:19

Zozye ti dir lepep, “Zot pa pou kapab servi SENYER, akoz i en Bondye sen; en Bondye ki zalou avek pasyon; i pa pou pardonn zot, zot bann revolt e zot bann pese.

Ziz 6:10

Mon ti dir zot: Mwan menm SENYER zot Bondye. Zot pa devre per bann bondye bann Amorit kot zot pe reste. Me zot pa ti ekout mwan.”