Egzod 33:9 - Labib An Kreol Seselwa

⁹ Ler Moiz ti'n antre dan Latant Rankont, kolonn nyaz ti desann e aret devan lantre e SENYER ti koz avek Moiz.

Egzod 33:9 ပူးပေါင်းရင်းမြစ်များ

Zenez 17:22

Kan Bondye ti'n fini koz avek Abrahanm, i ti kit li.

Zenez 18:33

Apre ki i ti'n fini koz avek Abrahanm, SENYER ti kontiny son semen; Abrahanm ti retourn kot li.

Psonm 99:7

I ti koz avek zot dan kolonn lafimen. Zot ti gard son bann komannman ek bann lalwa ki i ti'n donn zot.

Egzod 25:22

La kot mon pou rankontre ou; mon pou koz avek ou depi kouvertir Kof Lalyans, ant sa de seriben ki lo Kof Temwannyaz, pour mwan donn ou tou bann lord pour pep Izrael.

Egzod 31:18

Apre ki i ti'n fini koz avek Moiz lo montanny Sinai, Bondye ti donn li sa de plak an ros, bann komannman ki i ti'n ekri avek son ledwa.

Egzod 33:10

Pep Izrael ti war kolonn nyaz arete devan latant; alor, zot tou, zot ti lev debout e apre prosternen, sakenn devan lantre son latant.

Egzod 33:11

SENYER ti abitye koz avek Moiz fas a fas parey en zonm i koz avek son zanmi. Apre, Moiz ti retourn dan kan, tandis ki son serviter Zozye, garson Noun, ti reste dan Latant Rankont.

Egzod 33:8

Sak fwa ki Moiz ti al kot Latant Rankont, tou dimoun ti leve e reste debout devan lantre zot latant e swiv Moiz avek lizye, ziska ki i ti'n antre dan latant.

Egzod 34:3

Personn pa devre vin avek ou; pa devre annan personn lo montanny. Fodre pa ki okenn zannimo, mouton, kabri oubyen bef, i vin manze pre avek sa montanny.

Egzod 34:5

SENYER ti desann parmi bann nyaz e i ti debout akote Moiz. Moiz ti pro-klanm non SENYER:

Egzod 34:9

I ti dir, “SENYER! Si vreman mon'n ganny ou faver, mon sipliy ou pour mars avek nou, akoz latet sa pep i dir. Ou pou pardonn nou, nou fot ek nou pese e aksepte nou koman ou posesyon.”

Ezekyel 3:22

Lanmen SENYER ti sezi mwan. I ti dir mwan: Leve! Al dan laplenn, kot mon pou koz avek ou.

Nonm 11:17

Mon pou desann e koz avek ou dan sa landrwa. Mon pou pran en pe lespri ki dan ou e met lo zot. Zot ava anmenn en pe ou responsabilite; ou pa bezwen anmenn pwa sa fardo ou tousel”.

Nonm 7:89

Ler Moiz ti antre dan Latant Rankont SENYER pour koz avek SENYER, en lavwa ki sorti par lao kouvertir Kof Lalyans ant sa de seriben, ti koz avek li.

Deterononm 31:14

SENYER ti dir Moiz, “Letan ou lanmor pe aprose. Apel Zozye e vin prezant zot dan Latant Rankont, pour mwan donn li mon bann lord.” Alor, Moiz ek Zozye ti al prezant zot dan Latant Rankont.

Deterononm 31:15

SENYER ti aparet dan en kolonn nyaz devan lantre Latant Rankont.