Egzod 32:9 - Labib An Kreol Seselwa

⁹ SENYER ti dir Moiz, “Mon'n war ki sa pep, i en pep antete.

Egzod 32:9 ပူးပေါင်းရင်းမြစ်များ

2 Rwa 17:14

Me zot pa ti oule ekoute; zot ti antete parey zot bann zanset, ki pa ti krwar dan SENYER, zot Bondye.

2 Kronik 30:8

Aprezan, aret antete parey zot zanset, me soumet zot anver SENYER; vin dan son sanktyer ki i'n konsakre pour touzour. Servi SENYER zot Bondye, pour li detourn kont zot son gran lakoler.

Nehemi 9:16

Me nou bann zanset ti arogan e zot ti revolte. Zot pa ti obei ou bann komannman.

Nehemi 9:17

Zot ti refize obei e zot ti oubliy bann mervey ki ou ti fer parmi zot. Zot ti revolte e dan zot revolt, zot ti swazir en sef pour retourn dan zot lesklavaz Lezip. Me ou en Bondye ki pare pour pardonnen; ou bon, ou annan konpasyon, pasyans, gran fidelite, e ou pa ti abandonn zot,

Psonm 78:8

Alor, zot pa pou devre fer parey zot bann zanset ki ti en zenerasyon rebel e dezobeisan, ki zanmen ti vreman met zot konfyans dan Bondye. Zot lespri pa ti fidel avek Bondye.

Egzod 33:3

Al dan sa pei kot dimyel ek dile i annabondans. Me mon pa pou mont avek ou, akoz ou en pep antete; mon kapab detri ou dan semen.”

Egzod 33:5

SENYER ti dir Moiz, “Dir pep Izrael ki zot en pep antete. Si pandan en sel moman, mon ti mont avek ou, mon ti pou detri ou. Aprezan, tir ou bann lenz lafet; apre mon ava gete koman mon pou tret ou.”

Egzod 34:9

I ti dir, “SENYER! Si vreman mon'n ganny ou faver, mon sipliy ou pour mars avek nou, akoz latet sa pep i dir. Ou pou pardonn nou, nou fot ek nou pese e aksepte nou koman ou posesyon.”

Proverb 29:1

Sa enn ki ganny averti me ki rezenbe pour ganny tape en sel kou e san remed.

Ezai 48:4

Akoz mon konnen ki zot antete, ki zot likou i red parey en bar fer e zot fron i an bronz,

Zeremi 13:27

SENYER in war ou komet adilter; in tann ou bann tapaz kontantman. In war ou al kot bann fo bondye lo bann montanny e dan laplenn. Malerezman pour ou, Zerizalenm! Ou pa oule swiv mwan pour ou ganny pirifye. Ankor konbyen letan sa sityasyon i kapab dire?

Oze 6:10

Dan Izrael, mon'n war bann keksoz degoutan; Efraim in tonm dan prostitisyon; Izrael in rann li enpir.

Nonm 14:11

SENYER ti dir Moiz, “Pour konbyen letan ankor sa pep pou rezet mwan? Pour konbyen letan ankor zot pou refize krwar dan mwan, malgre tou sa bann siny ki mon'n fer parmi zot?

Akt de Zapot 7:51

Zot bann zonm antete; zot leker ek zot zorey pa'n ganny sirkonsi. Zot fermen avek mesaz Bondye. Zot touzour pe reziste Lespri Sen. Zot parey zot bann zanset.

Deterononm 10:16

Alor, fer sirkonsi zot leker e aret retif.

Deterononm 31:27

Mon konnen koman ou ti rebel e antete. Si zot in rebel kont SENYER letan mon ankor vivan parmi zot, zot pou fer pir ankor, apre mon lanmor!

Deterononm 9:13

SENYER ti osi dir mwan: Mon'n war ki sa pep i vreman en pep rebel.

Deterononm 9:6

Konpran byen alor, ki SENYER, ou Bondye pa pe al donn ou sa bon pei pour ou pran posesyon akoz ou zis. Annefe, ou en pep rebel.