Egzod 32:5 - Labib An Kreol Seselwa

⁵ Kan Aaron ti war tousala, i ti konstri en lotel devan sa pti toro. I ti dir, “Demen pou annan en lafet pour SENYER.”

Egzod 32:5 ပူးပေါင်းရင်းမြစ်များ

1 Rwa 21:9

Dan sa bann let i ti'n ekri: Proklanm en zenn e met Nabot antet pour diriz lasanble.

2 Rwa 10:20

Zehou ti donn sa lord, “Konvok en lasanble solannel an loner Baal.” Alor zot ti anons sa lord.

2 Rwa 16:11

Pret Ouri ti konstri en lotel parey sa model ki lerwa Akaz ti'n anvoy li depi Damas. Pret Ouri ti fini sa lotel avan ki lerwa Akaz ti retournen sorti Damas.

2 Kronik 30:5

Alor, zot ti deside anvoy en proklanmasyon atraver Izrael antye, depi Berseba ziska Dann. Zot ti demann lepep pour rasanble Zerizalenm e selebre Pak an loner SENYER, Bondye Izrael. Pa bokou dimoun ti pe selebre parey ti'n ganny ordonnen.

Egzod 10:9

Moiz ti dir li, “Nou pou al avek nou bann zennzan ek nou bann vyeyar; nou pou al avek nou bann garson ek nou bann fiy, avek nou bann troupo, pour nou fer en lafet pour SENYER.”

Egzod 12:14

Sa zour ava pour zot en memoryal. Zot ava selebre sa zour koman en lafet pour SENYER. Zot ava obzerv li koman en zour lafet pour touzour, pour tou zot bann zenerasyon.

Egzod 17:15

Moiz ti konstri en lotel ki i ti apel SENYER i mon bannyer.

Egzod 32:4

Avek tou sa lor ki i ti pran avek zot, Aaron ti fer fonn dan en moul pour fabrik en pti toro. Lepep ti kriye, “Izrael! La zot bann bondye ki'n tir zot dan Lezip.”

Egzod 32:6

Tou dimoun ti leve lannmen granmaten. Zot ti ofer bann sakrifis konplet ek bann sakrifis lape. Lepep ti asize manze, bwar. Apre, zot ti leve pour anmize.

Oze 8:11

Efraim in ogmant son bann lotel pour pardon pese, zot vin lokazyon pour fer plis pese.

Oze 8:14

Izrael in oubliy son Kreater e i'n konstri bann pale. Zida li, i'n fortifye en kantite lavil. Me mon pou met dife dan son bann lavil, dife pou devor zot bann zoli pale.

Levitik 23:2

Dir avek pep Izrael: Pour lokazyon bann selebrasyon solannel an loner SENYER, zot ava konvok bann rasanbleman sakre. La sa bann lafet:

Levitik 23:21

Sa menm zour, zot ava konvok en lasanble sakre; zot pa pou fer okenn travay ordiner. Sa i en regleman pour touzour, pour tou bann zenerasyon, la kot zot ava pe reste.

Levitik 23:37

Sa i bann lafet solannel an loner SENYER ki'n ganny fikse e zot ava konvok bann rasanbleman sakre, pour prezant SENYER bann lofrann brile par dife, bann sakrifis konplet ek bann lofrann vezetal, bann sakrifis lape ek bann lofrann diven, dapre regleman sak zour.

Levitik 23:4

La bann lafet solannel an loner SENYER, bann rasanbleman sakre, ki zot ava selebre dan letan ki ganny fikse.

1 Korentyen 5:8

Alor, annou selebre nou lafet non pa avek sa vye lelven, sa lelven pese limoralite, me avek dipen san lelven, dipen lapirte ek laverite.

1 Samyel 14:35

Sail ti fer en lotel pour SENYER. Sa ti premye lotel ki Sail ti fer pour SENYER.