Egzod 32:20 - Labib An Kreol Seselwa

²⁰ I ti pran sa pti toro ki zot ti'n fer e zet li dan dife. I ti kraz li fen e fer li vin lapousyer ki i ti fann lo delo e fer pep Izrael bwar.

Egzod 32:20 ပူးပေါင်းရင်းမြစ်များ

1 Rwa 15:13

I ti osi aras Larenn Mer son granmanman Maaka son tit, akoz i ti'n fer en stati pour Asera. Asa ti demoli sa zidol e bril li kot larivyer Sedron.

2 Rwa 23:15

Lerwa ti osi kraz lotel ki ti Betel ek bann landrwa sakre ki Zeroboanm, garson Nebat, ti'n konstri e ki ti fer Izrael komet pese. I ti demoli sa lotel ek landrwa sakre; i ti fer li vin lapousyer e bril poto sakre Asera.

2 Rwa 23:6

I ti tir dan tanp SENYER, poto sakre Asera ki i ti anmenn an deor Zerizalenm. Zot ti bril li dan vale Sedron, ziska ki i ti vin lasann ki i ti zet dan lafos kot dimoun ordiner i ganny antere.

2 Kronik 34:4

Zozyas ti fer demoli devan li tou bann lotel Baal e anmenmtan kraz bann lotel lansan ki ti lo la. I ti koup bann poto sakre e kraz bann stati. Tousala ti ganny brile e lasann ti ganny fannen lo latonm bann pret ki'n ofer sakrifis.

Egzod 32:21

Moiz ti dir Aaron, “Ki sa pep in fer ou, pour ki ou'n fer en tel gran pese tonm lo li?”

Proverb 1:31

zot ava siport konsekans zot mannyer viv e degout zot prop rabasman.

Proverb 14:14

Sa enn ki viv nenport koman, ava ganny sa ki i merite. En bon dimoun ava ganny sa ki i merite.

Deterononm 7:25

Ou ava bril zot bann stati ek zot bann bondye. Pa les ou ganny tante par larzan oubyen lor ki kouver zot, akoz zot kapab vin en pyez pour ou; zot degoutan devan SENYER, ou Bondye.

Deterononm 7:5

Me la ki mannyer ou pou azir avek sa bann nasyon: Demoli zot bann lotel, kraz zot bann ros sakre, kas zot bann ros sakre, bril zot bann stati.

Deterononm 9:21

Apre, mon ti pran sa zenn bef, prodwi zot pese ki zot ti'n fer. Mon ti zet li dan dife, kas li an pti morso ziska ki i ti'n vin lapousyer. Mon ti zet sa lapousyer dan larivyer ki desann depi montanny.