Egzod 32:17 - Labib An Kreol Seselwa

¹⁷ Ler Zozye ti antann tapaz ki pep Izrael ti pe fer, i ti dir Moiz, “I annan tapaz lager dan kan pep Izrael.”

Egzod 32:17 ပူးပေါင်းရင်းမြစ်များ

1 Kronik 7:27

Nonn, son garson, Zozye, son garson.

Liv Zob 39:25

I kriye sak fwa ki i antann tronpet sonnen. I santi loder lager depi lwen, komannman bann sef ek bann tapaz lager.

Psonm 47:1

Tou bann pep! Bat lanmen. Loue Bondye avek kantik lazwa!

Egzod 17:9

Moiz ti dir Zozye, “Swazir bann zonm kapab, e al lager kont Amalek. Demen, nou ava debout lo latet montanny avek baton SENYER dan lanmen.”

Egzod 24:13

Alor, Moiz ek Zozye son asistan, ti mont lo montanny Bondye.

Egzod 32:16

Sa bann plak ros ti louvraz Bondye li menm. Lekritir ki ti'n grave lo sa de plak ros, ti lekritir Bondye.

Egzod 32:18

Me Moiz ti dir: Sa pa ni en tapaz laviktwar, ni en tapaz defet ki mon tande, me plito tapaz selebrasyon.

Egzod 32:6

Tou dimoun ti leve lannmen granmaten. Zot ti ofer bann sakrifis konplet ek bann sakrifis lape. Lepep ti asize manze, bwar. Apre, zot ti leve pour anmize.

Zeremi 51:14

SENYER liniver in fer serman lo li menm: Mon pou anvoy en kantite zonm dan Babilonn, parey en lesen sotrel e zot ava sant sanson laviktwar lo ou.

Amos 1:14

mon pou met dife dan Raba, e i pou detri tou son bann pale. Sa zour pou annan gran fraka lager, tanpet avek loraz.

Amos 2:2

mon pou met dife dan pei Moab, e i pou bril tou bann pale dan Keriot. Bann zabitan Moab pou mor dan gran fraka lager avek tapaz tronpet.

Zozye 6:10

Zozye ti donn lepep sa lord: Zot pa pou fer okenn laklamasyon, ni okenn tapaz, ni koze, ziska zour mon ava dir zot: Lans en laklamasyon.

Zozye 6:16

Apre setyenm letour, bann pret ti sonn zot tronpet. Zozye ti dir lepep: Kriy for, akoz SENYER in donn zot sa lavil.

Zozye 6:20

Alor, lepep ti kriye, e bann tronpet ti sonnen. De ki lepep ti antann son bann tronpet, zot ti kriye, e miray ti degrengole. Deswit, pep Izraelit ti lans devan, atak lavil e kaptir li.

Zozye 6:5

Ler zot ava antann tronpet korn bouk soufle, lepep antye ava kriye avek en gran laklamasyon. Alor, miray lavil ava tonm plat ater e lepep ava atake drwat devan zot.”

Ziz 15:14

Ler Sanmson ti ariv Lei, bann Filisten ti vin rankontre li an kriyan. Alor, lespri SENYER ti pran kontrol Sanmson. Bann lakord ki ti otour son lebra ti vin parey lapay brile par dife, e tonbe dan son lanmen.

1 Samyel 17:20

David ti leve granmaten, kit troupo avek en gardyen, pran sa bann provizyon e ale, parey Zese ti'n ordonn li. Ler ti ariv dan kan, bann zonm ti pe al lo fron akonpannyen laklamasyon lager.

1 Samyel 17:52

Toudswit, bann zonm Izrael ek Zida ti pous bann gran laklamasyon. Zot ti pourswiv bann Filisten ziska lantre vale Gat ek lantre Ekronn. Bann Filisten ki ti'n ganny blese ti tonbe lo semen depi Saraim, ziska Gat ek Ekronn.