Egzod 32:1 - Labib An Kreol Seselwa

¹ Bann Izraelit ti war ki Moiz ti pe tarde desann sorti lo montanny; zot ti rasanble otour Aaron. Zot ti dir li, “Fer pour nou, bann bondye ki mars devan nou. Annefe, nou pa konnen ki'n arive avek sa Moiz, sa zonm ki ti fer nou sorti Lezip.”

Egzod 32:1 ပူးပေါင်းရင်းမြစ်များ

Zenez 19:14

Alor, Lot ti al kot son bann zann, sa bann ki ti pou marye avek son bann fiy. I ti dir zot, “Leve! Kit sa landrwa, akoz SENYER pou detri lavil.” Me son bann zann ti pran sa koman en fars.

Zenez 21:26

Abimelek ti dir li, “Mon pa konnen lekel ki'n fer sa. Ou pa'n zanmen dir mwan; la aprezan, ki mon tande.”

Zenez 39:8

Me i ti refize e i ti dir fanm son met, “Mon met pa okip nanryen dan lakaz e in konfye mwan tou sa ki i posede.

Zenez 44:15

Zozef ti demann zot, “Ki zot in fer la? Eski zot pa konnen ki en zonm koman mwan i konn devinen?”

Zenez 44:4

Apenn, zot ti'n kit lavil, Zozef ti dir son serviter, “Leve, al swiv sa bann zonm. Kan ou zwenn zot, ou ava dir zot: Akoz zot in retourn dimal pour dibyen?

Psonm 106:19

Lo montanny Horeb, zot ti fabrik en zenn bef, zot ti ador en morso metal.

Egzod 13:21

SENYER ti al devan zot dan en kolonn nyaz pandan lazournen e dan en kolonn dife aswar, pour zot kapab kontinyen marse lizour koman aswar.

Egzod 14:11

Zot ti dir Moiz, “Pa ti annan ase latonm dan Lezip pour ki ou anmenn nou isi pour mor dan dezer? Ki ou'n fer avek nou?

Egzod 16:3

Pep Izrael ti dir zot, “Plito SENYER ti'n touy nou depi Lezip kot nou ti asiz devan bann marmit lavyann, kot nou ti manz dipen nou vant plen. Ou'n anmenn sa pep antye dan dezer pour li mor lafen.”

Egzod 20:23

Zot pa pou fer okenn bondye annarzan oubyen annor. Zot pa pou ador bann bondye apard mwan.

Egzod 24:12

SENYER ti dir Moiz, “Mont kot mwan lo montanny e reste la. Mon pou donn ou bann plak ros kot mon'n ekri lalwa ek komannman pour enstri zot.”

Egzod 24:18

Moiz ti penetre dan sa nyaz e i ti mont lo montanny. I ti reste lo montanny pandan 40 zour, 40 nwit.

Egzod 32:11

Me Moiz ti sipliy avek SENYER, son Bondye, “SENYER akoz ou pran sa gran lakoler kont ou pep ki ou ti fer sorti Lezip avek gran pwisans e par ou lanmen for?

Egzod 32:22

Aaron ti reponn, “Pa bezwen ankoler mon senyer. Ou menm, ou konn sa pep: I anvi touzour fer sa ki mal.

Egzod 32:23

Zot ti dir mwan: Fer bann bondye ki ava diriz nou. Nou pa konnen ki'n arive avek Moiz, sa zonm ki'n fer nou sorti Lezip.

Egzod 32:7

SENYER ti dir Moiz, “Desann toudswit. Sa pep ki ou ti fer sorti Lezip in koronpi.

Egzod 33:3

Al dan sa pei kot dimyel ek dile i annabondans. Me mon pa pou mont avek ou, akoz ou en pep antete; mon kapab detri ou dan semen.”

Ezekyel 20:8

Me zot ti revolte kont mwan e refize ekout mwan. Personn pa'n oule abandonn sa bann lobze degoutan ki ti atir zot lizye, ni rezet bann zidol Ezipsyen. Alor, mon ti annan lentansyon tir mon gran lakoler lo zot san okenn pitye e les zot ale ziska Lezip.

Oze 12:13

Par lentermedyer en profet, SENYER ti fer Izrael sorti Lezip. Par en profet, i ti gard Izrael, son pep.

Mise 6:4

Mon'n fer ou monte sorti Lezip. Mon'n delivre ou dan lesklavaz. Mon'n donn ou koman sef Moiz, Aaron ek Mirianm.

Nonm 14:22

tou sa bann ki'n war mon laglwar ek bann siny ki mon'n fer dan Lezip e dan dezer, ki'n provok mwan deza dis fwa e ki pa'n obeir mwan,

Matye 24:43

Konpran sa byen: Si en met lakaz ti konnen ki ler voler pou vini, i ti ava veye, e i pa ti pou les voler kas son lakaz.

Matye 24:48

Me si sa serviter i move, i pou dir dan li menm: Mon met i tarde pour retournen;

Akt de Zapot 17:29

Alor, akoz nou son bann zanfan, nou pa devre krwar ki Bondye i parey avek en divinite ki'n fer avek lor, larzan oubyen ros, ki lar ek limazinasyon imen in prodwir.

Akt de Zapot 19:26

Me zot in war oubyen zot in tande sa ki pe pase: Sa zonm, Pol, pe dir ki bann bondye fer par zonm, pa bondye. I'n reisi konverti bokou dimoun, pa zis isi Efez, me preski dan provens Lazi antye.

Akt de Zapot 7:40

Alor, zot ti dir avek Aaron: Fer bann bondye pour nou, ki pou mars devan nou. Nou pa konnen ki'n devenir avek sa Moiz ki'n tir nou Lezip.

Deterononm 31:8

SENYER pou mars devan ou. I pou avek ou; i pa pou deles ou ni abandonn ou. Pa bezwen per ni tranble.”

Deterononm 9:1

Izrael, ekoute! Ozordi, ou pe al travers larivyer Zourden, pour sas bann nasyon ki pli gran, pli for ki ou, e pran posesyon bann gran lavil ki fortifye ziska dan lesyel.

Deterononm 9:9

Ler mon ti al lo montanny pour resevwar bann plak ros, bann plak lalyans ki SENYER ti'n fer avek zot, mon ti pas 40 zour, 40 nwit lo montanny, san manze ni bwar.

Zozye 7:13

Leve aprezan! Konsakre lepep! Dir zot: Pirifye zot pour demen, akoz la sa ki SENYER, Bondye Izrael i deklare: Izrael! I annan parmi zot, bann byen ki mon ti'n donn lord pour detri. Zot pa pou kapab fer fas avek zot bann lennmi osi lontan ki zot pa fer disparet parmi zot, sa bann lobze ki mon'n donn lord pour detri.

2 Pyer 3:4

Zot pou dir: Oli sa enn ki'n promet ki i pou retournen? Depi ki nou bann zanset in mor, tou i reste parey ti ete o konmansman, depi kreasyon lemonn.