Egzod 31:15 - Labib An Kreol Seselwa

¹⁵ Pandan sis zour zot ava travay; me setyenm zour i saba, konsakre pour SENYER. Sa enn ki travay zour saba ava ganny touye.

Egzod 31:15 ပူးပေါင်းရင်းမြစ်များ

Zenez 2:2

Setyenm zour, Bondye ti'n fini tou travay ki i ti'n fer. Apre tou travay ki i ti'n fer, i ti repoze.

Egzod 16:23

ki ti dir zot, “SENYER in donn lord: Demen i saba, en zour repo konsakre pour SENYER. Zot ava kwi sa ki fodre kwi e bwi sa ki fodre bwi. Tou sa ki reste, gard li pour lannmen bomaten.”

Egzod 16:26

Pandan sis zour zot ava anmase; me setyenm zour, i zour saba; pou napa nanryen.”

Egzod 23:12

Pandan sis zour ou ava fer ou travay. Me setyenm zour, ou devre repoze pour ki ou bef ek ou bourik i kapab repoze e ki zanfan ou bann lesklav ek bann etranze parmi zot ava kapab repoze.

Egzod 31:14

Zot ava obzerv saba, akoz i sakre pour zot. Sa enn ki pa gard li pou ganny touye. Sa enn ki travay zour saba ava ganny sase dan kominote.

Egzod 31:16

Pep Izrael ava obzerv saba; zot ava selebre saba dan tou zenerasyon koman en lalyans pour touzour.

Egzod 31:17

Saba ava la koman en siny pour touzour ant mwan ek pep Izrael. Pandan sis zour, SENYER ti kree lesyel ek later; setyenm zour i ti arete e repoze.

Egzod 34:21

Pandan sis zour ou ava travay, me setyenm zour, ou ava repoze. Ou ava fer saba menm pandan letan ki ou labour later e pandan larekolt.

Egzod 35:2

Travay ava ganny fer pandan sis zour; me setyenm zour pou en zour sakre, en saba, en zour repo pour SENYER. Sa enn ki travay sa zour pou ganny touye.

Egzod 35:3

Zour saba, zot pa pou alim okenn dife kot zot reste.”

Ezekyel 46:1

La sa ki Senyer BONDYE i deklare: Laport lantre kote Les pou reste fermen pandan sis zour lasemenn; me i pou ouver, zour saba ek zour nouvellin.

Levitik 16:29

Sa i en regleman pour zot pour touzour: Dizyenm zour, dan setyenm mwan, pep Izrael antye, ensi ki tou etranze ki reste parmi zot, ava zennen e aret tou travay.

Levitik 23:3

Zot ava travay pandan sis zour. Me setyenm zour i saba, en zour repo konplet, en rasanbleman sakre. Zot pa pou travay sa zour; i en saba an loner SENYER partou kot zot ava pe reste.

Levitik 23:32

Sa zour ava en saba repo konplet e zot ava fer li en zour zenn. Nevyenm zour sa mwan, zot ava obzerv zot saba depi aswar ziska lannmen swar.

Levanzil dapre Lik 13:14

Me sef sinagog ti ankoler akoz Zezi ti'n geri en malad zour saba. I ti dir avek lafoul, “I annan sis zour pour travay. Vin rod gerizon pandan sa bann zour, me pa zour saba.”

Levanzil dapre Lik 23:56

Alor, zot ti retourn se zot e zot ti prepar bann aromat ek parfen. Zour saba, zot ti repoze, parey lalwa i ordonnen.

Deterononm 5:12

Ou ava obzerv zour saba e gard li sakre, parey SENYER, ou Bondye ti ordonn ou.

Ebre 4:9

Sa i vedir ki i annan ankor en repo pour pep Bondye. Sa i setyenm zour.