Egzod 31:13 - Labib An Kreol Seselwa

¹³ Ou menm, koz avek pep Izrael: Sirtou zot devre obzerv mon bann saba, akoz sa i en siny ant mwan ek zot, zenerasyon apre zenerasyon, pour zot konnen ki mwan, SENYER, ki konsakre zot.

Egzod 31:13 ပူးပေါင်းရင်းမြစ်များ

Nehemi 9:14

Ou'n fer zot konn ou saba sakre e par lentermedyer Moiz, ou serviter, ou'n ansenny zot ou bann komannman, regleman ek lalwa.

Egzod 31:12

SENYER ti dir Moiz:

Egzod 31:17

Saba ava la koman en siny pour touzour ant mwan ek pep Izrael. Pandan sis zour, SENYER ti kree lesyel ek later; setyenm zour i ti arete e repoze.

Ezai 56:2

Sa enn ki fer sa, ki pa mars akote, ki obzerv saba e pa dezonor li e ki evite fer sa ki mal; i en dimoun ki ere.

Zeremi 17:22

Zot pa devre zour saba, sorti avek okenn pake. Zot pa devre fer okenn travay zour saba; zot devre rezerv sa zour zis pour mwan, akoz i en zour sakre, parey mon ti ordonn zot zanset.

Ezekyel 20:12

Mon ti osi donn zot mon bann saba koman en siny ant mwan ek zot, pour ki zot konnen ki mwan SENYER ki rann zot sen.

Ezekyel 20:20

Gard mon bann saba koman sakre, pour ki i ava vin en siny ant mwan ek zot, par lekel zot ava rapel ki mwan SENYER, zot Bondye.

Ezekyel 37:28

Kan mon ava'n plas mon sanktyer parmi zot pour touzour, bann nasyon ava konnen ki mwan menm SENYER; mon'n konsakre Izrael pour mon servis.

Ezekyel 44:24

Dan en prose, zot ki ava azir koman ziz e rann zizman dapre mon lalwa. Zot ava gard mon bann komannman ek bann regleman konsernan bann lafet. Zot ava veye pour ki mon bann saba i ganny garde sakre.

Levitik 19:3

Sakenn zot ava annan respe pour son manman ek son papa e zot ava obzerv mon bann saba. Mwan menm SENYER, zot Bondye.

Levitik 19:30

Obzerv mon bann saba e annan respe pour mon sanktyer. Mwan menm SENYER.

Levitik 20:8

Gard mon bann regleman e met zot an pratik. Mwan menm SENYER ki rann zot sen.

Levitik 21:8

Ou ava konsider bann pret koman sen, akoz zot ofer nouritir ou Bondye. Zot ava sen pour mwan SENYER, akoz mwan ki rann zot sen.

Levitik 23:3

Zot ava travay pandan sis zour. Me setyenm zour i saba, en zour repo konplet, en rasanbleman sakre. Zot pa pou travay sa zour; i en saba an loner SENYER partou kot zot ava pe reste.

Levitik 25:2

Koz avek pep Izrael. Dir zot: Kan zot ava'n antre dan pei ki mon pou donn zot, later ava obzerv en repo sabatik an loner SENYER.

Levitik 26:2

Zot ava obzerv mon bann saba, e montre gran respe pour mon sanktyer: Mwan menm SENYER.

Amos 8:5

Zot dir dan zot menm: I'n ler pour lafet nouvellin fini! Konmsa, nou ava kapab vann nou prodwi. I'n ler pour saba terminen! Konmsa, nou ava kapab ouver nou sak dible. Nou ava diminyen lo mezir, nou ava ogmant pri e fos bann balans.

Matye 23:17

Zot bann fou! Zot bann aveg! Lekel ki pli enportan: Lor, ouswa sa sanktyer ki rann sa lor sakre?

Levanzil dapre Zan 17:17

Konsakre zot par laverite; ou parol i laverite.

Levanzil dapre Zan 17:19

Pour zot, mon konsakre ou mon lekor, pour ki zot osi, zot ava vreman ganny konsakre dan laverite.

Deterononm 5:12

Ou ava obzerv zour saba e gard li sakre, parey SENYER, ou Bondye ti ordonn ou.

1 Tesalonisyen 5:23

Bondye ki donn lape, ava konsakre zot konpletman. I ava gard zot lespri, zot lekor ek zot et antye san repros pour retour nou Senyer Zezi-Kri.

Let Zid 1:1

Sa let i sorti kot Zid, serviter Zezi-Kri, e frer Zak. Pour tou bann ki'n ganny apele par Bondye e ki viv dan lanmour Bondye Papa e ki ganny garde par Zezi-Kri.