Egzod 30:8 - Labib An Kreol Seselwa

⁸ I ava osi bril lansan aswar, ler i alim bann lalanp. Lansan ava brile devan SENYER toultan, zenerasyon apre zenerasyon.

Egzod 30:8 ပူးပေါင်းရင်းမြစ်များ

2 Kronik 26:18

Zot ti opoz lerwa Ozyas. Zot ti dir li, “Ou napa drwa bril lansan an loner SENYER. Sa drwa i rezerve pour bann pret, desandan Aaron, ki'n ganny konsakre pour bril lansan. Sorti dan sanktyer, akoz ou pe komet en sakrilez, sa i pou en dezoner devan SENYER Bondye.”

Psonm 141:2

Aksepte mon lapriyer parey lansan ki mont kot ou e mon lanmen i leve parey en lofrann aswar.

Egzod 12:6

Zot ava gard li ziska katorzyenm zour sa mwan kan pep Izrael antye ava rasanble pour egorz li soley kouse.

Egzod 25:37

Ou ava fer son set lalanp; zot ava ganny plase dan en fason pour ki zot ekler devan.

Egzod 27:21

Aaron avek son bann garson ava plas sa portlanp devan sa rido ki maske Kof lalyans, pour ki i alimen devan SENYER depi bomaten ziska aswar. Sa regleman ava pour touzour, pour tou zenerasyon bann Izraelit.

Egzod 30:7

Tou le bomaten, kan i ava al okip bann lalanp, Aaron ava bril lansan aromatik. I ava bril li tou le bomaten, letan i pe aranz bann lalanp.

Egzod 30:9

Zot pa pou ofer okenn lansan ordiner lo sa lotel, ni sakrifis konplet, ni lofrann vezetal, ni vers en lofrann labwason.

Romen 8:34

Alor, lekel ki kapab kondann zot? Personn, akoz Zezi-Kri li menm ki'n mor. Me anplis, i'n resisite e i lo kote drwat Bondye e i pe entersed pour nou.

1 Tesalonisyen 5:17

Priy toultan!

Ebre 7:25

Pour sa rezon ki i kapab sov pour leternite, dimoun ki apros kot Bondye atraver li, akoz i touzour vivan pour pled dan zot faver.

Ebre 9:24

Annefe, Kris pa'n antre dan kopi en sanktyer ki'n fer par zonm, me i'n antre dan lesyel menm, pour prezant li menm devan Bondye pour nou.

1 Samyel 2:28

Mon ti swazir ou zanset parmi tou bann tribi Izrael pour fer li vin mon pret, pour li ofer lansan lo mon lotel, e pour li port en lefod dan mon prezans; mon ti donn ou zanset tou bann lofrann brile par dife, ofer par pep Izrael.