Egzod 30:38 - Labib An Kreol Seselwa

³⁸ En dimoun ki esey fer en parfen parey, pour li santi son loder, pou ganny sase dan kominote.

Egzod 30:38 ပူးပေါင်းရင်းမြစ်များ

Zenez 17:14

En mal ki pa'n ganny sirkonsi dan son laser pou ganny separe parmi son pep, akoz in kas mon lalyans.”

Egzod 12:15

Pandan set zour, zot pou manz dipen san lelven. Depi premye zour, zot devre tir tou lelven dan zot lakaz. Si en dimoun i manz dipen kwi avek lelven ant premye zour ek setyenm zour, i pou ganny sase parmi pep Izrael.

Egzod 30:33

En dimoun ki imit sa reset e ki vers li lo en dimoun ordiner, pou ganny sase dan kominote.

Egzod 31:1

SENYER ti dir Moiz:

Egzod 31:14

Zot ava obzerv saba, akoz i sakre pour zot. Sa enn ki pa gard li pou ganny touye. Sa enn ki travay zour saba ava ganny sase dan kominote.

Levitik 17:4

si i pa prezant li devan Latant Rankont pour ofer SENYER sakrifis devan demer SENYER, i ava ganny konsidere koman koupab pour fer koule disan en et vivan. Sa zonm ava ganny rezete parmi son pep.

Levitik 7:20

Me en dimoun ki dan en leta enpir, e ki manz lavyann sakrifis lape ki'n ganny ofer devan SENYER, i ava ganny rezete parmi son fanmir.

Nonm 4:18

Ou pa devre les klan bann Keatit ganny detri parmi bann Levit.

Nonm 9:13

Me sa zonm ki pir, ki pa pe vwayaze e ki pa selebre Pak, i bezwen ganny tire parmi son pep, akoz i pa'n ofer SENYER son lofrann ler ti fodre. Sa zonm ava anmenn konsekans son pese.