Egzod 30:35 - Labib An Kreol Seselwa

³⁵ En parfimer ava melanz tousala avek disel, pour fer en prodwi pir ki ava rezerve zis pour mwan.

Egzod 30:35 ပူးပေါင်းရင်းမြစ်များ

1 Rwa 1:39

Pret Sadok ti pran fyol delwil sakre dan latant e vid lo latet Salomon pour konsakre li lerwa. Zot ti soufle tronpet e tou dimoun ti kriye: Viv lerwa Salomon.

1 Kronik 9:30

Bann garson bann pret ki ti responsab pour melanz bann parfen.

Psonm 133:2

I parey delwil parfimen ki koule lo latet Aaron, ki desann ziska dan son labarb, ziska lo bor kol son rob.

Egzod 28:41

Ou ava abiy ou frer Aaron ek son bann garson. Ou ava donn zot lonksyon, ordonn zot e konsakre zot pour zot servi mwan koman pret.

Egzod 30:25

Avek sa bann parfen, ou ava fer delwil pour konsekrasyon. I ava en melanz spesyal, travay en parfimer, ki ava ganny servi pour bann seremoni konsekrasyon.

Egzod 30:34

SENYER ti ordonn Moiz: Pran kantite egal bann sibstans aromatik: Larezin, onyks ek galbanoum. Melanz zot avek en menm kantite lansan meyer kalite.

Egzod 30:36

Ou ava kraz li e fer li vin anpoud e met li devan Kof Lalyans, dan Latant Rankont, la kot mon pour rankontre ou. Sa i devre en keksoz tre sakre pour zot.

Proverb 27:9

Delwil ek lansan i fer plezir leker; ladouser lanmitye i vo plis ki ou prop konsey.

Kantik Salomon 1:3

Ou bann parfen i santi bon. Ou sedwir mwan parey en parfen. Pour sa rezon ki bann zenn fiy i kontan ou.

Kantik Salomon 3:6

Lekel ki pe monte sorti dan dezer, ki parey en kolonn lafimen, parfimen avek lamir ek lansan, ek tou bann lapoud bann marsan etranze?

Levitik 16:12

I ava pran en lansanswar ranpli avek labrez sarbon sorti lo lotel ki devan SENYER, avek de ponnyen lansan anpoud pour brile e i ava anmenn lo lot kote rido.

Levitik 2:13

Ou ava azout en pe disel dan tou lofrann vezetal ki ou ofer SENYER. Pa zanmen oubliy disel dan lofrann, akoz i reprezant lalyans ki Bondye in fer avek ou. Alor, avek tou lofrann ou devre azout disel.

Levanzil dapre Zan 12:3

Mari ti pran en demi lit lesans byen ser ki ti'n fer avek en plant ki apel nar. I ti vers sa lesans lo lipye Zezi e eswiy avek son seve. Lakaz antye ti ranpli avek loder lesans.