Egzod 30:34 - Labib An Kreol Seselwa

³⁴ SENYER ti ordonn Moiz: Pran kantite egal bann sibstans aromatik: Larezin, onyks ek galbanoum. Melanz zot avek en menm kantite lansan meyer kalite.

Egzod 30:34 ပူးပေါင်းရင်းမြစ်များ

Nehemi 13:5

ti'n prepar en gran lasanm pour Tobiya. Dan sa landrwa, oparavan, zot ti plas bann lofrann vezetal, lansan, bann istansil, ladim dible, diven ek delwil, bann par pour bann levit, bann santer, bann portye, ek kontribisyon pour bann pret.

Egzod 25:6

delwil pour bann lalanp, parfen pour delwil konsekrasyon e pour lansan aromatik;

Egzod 30:23

Pran bann meyer prodwi aromatik: Senk kilo lamir likid; de kilo edmi lesans kannel; de kilo edmi feyaz parfimen;

Egzod 30:33

En dimoun ki imit sa reset e ki vers li lo en dimoun ordiner, pou ganny sase dan kominote.

Egzod 30:35

En parfimer ava melanz tousala avek disel, pour fer en prodwi pir ki ava rezerve zis pour mwan.

Egzod 30:7

Tou le bomaten, kan i ava al okip bann lalanp, Aaron ava bril lansan aromatik. I ava bril li tou le bomaten, letan i pe aranz bann lalanp.

Egzod 31:11

delwil lonksyon ek lansan aromatik pour sanktyer. Zot ava fer egzakteman tou sa ki mon'n ordonn ou.

Egzod 35:15

lotel lansan avek son bann bar; delwil lonksyon, lansan aromatize; rido pour lantre Latant Rankont

Egzod 37:29

I ti fer delwil pour lonksyon sakre avek lansan aromatik pir. Sa ti louvraz en parfimer.

Kantik Salomon 3:6

Lekel ki pe monte sorti dan dezer, ki parey en kolonn lafimen, parfimen avek lamir ek lansan, ek tou bann lapoud bann marsan etranze?

Ezai 43:23

Ou pa'n anmenn ou mouton pour ofer mwan bann sakrifis konplet, ni onor mwan avek ou bann sakrifis. Mon pa'n obliz ou ofer bann lofrann ni fatig ou pour ofer lansan.

Levitik 16:12

I ava pran en lansanswar ranpli avek labrez sarbon sorti lo lotel ki devan SENYER, avek de ponnyen lansan anpoud pour brile e i ava anmenn lo lot kote rido.

Levitik 2:1

Si en dimoun i oule ofer SENYER en lofrann vezetal, i ava ofer son meyer lafarin. I ava vers delwil e met lansan lo la.

Levitik 2:15

Ou ava azout delwil e met lansan lo la. Sa i en lofrann vezetal.

Levitik 24:7

Ou ava depoz lansan pir lo sak ranze. Sa i ava ranplas dipen koman lofrann brile par dife an loner SENYER.

Levitik 5:11

Me, si i pa posib pour en dimoun ganny de tourtrel oubyen de pizon, alor i kapab ofer koman lofrann pour pardon pese ki i'n komet, en dizyenm mezir lafarin meyer kalite. Me i pa devre azout delwil avek, ni met lansan lo la, akoz i en lofrann pour pardon pese.

Nonm 4:16

Eleazar, garson pret Aaron, pou ansarz delwil pour bann lalanp, lansan parfimen, lofrann vezetal, delwil pour konsekrasyon: I pou ansarz tou sa ki pase dan Latant Sanktyer e lo son bann istansil.

Nonm 7:14

en lakoup annor ki pez 100 granm, ranpli avek lansan;

Matye 2:11

Zot ti antre dan lakaz; zot ti war sa zanfan avek son manman, Mari. Zot ti tonm azenou e ador li. Answit, zot ti ouver zot kof e ofer li bann kado: Lor, lansan ek lamir.