Egzod 30:19 - Labib An Kreol Seselwa

¹⁹ Aaron ek son bann garson ava servi sa delo pour lav zot lanmen ek zot lipye.

Egzod 30:19 ပူးပေါင်းရင်းမြစ်များ

Psonm 26:6

Mon lav mon lanmen pour montre mon linosans e mon fer letour ou lotel, SENYER.

Egzod 29:4

Ou ava anmenn Aaron ek son bann garson kot laport Latant Rankont e ou ava lav zot dan delo.

Egzod 30:20

Kan zot antre dan Latant Rankont, zot ava lav zot avek delo, pour ki zot pa mor. Zot ava osi lav zot lanmen ek zot lipye kan zot apros lotel pour ofer sakrifis e bril bann lofrann pour SENYER. Konmsa, zot pa ava mor.

Ezai 52:11

Ale! Ale! Sorti kot zot ete! Pa tous nanryen ki enpir. Sorti parmi zot! Zot ki pe anmenn bann lobze sakre dan servis SENYER! Pirifye zot!

Levitik 8:6

I ti al sers Aaron ek son bann garson e fer zot lav zot avek delo.

Let Pol pour bann Tit 3:5

I'n sov nou, pa akoz nou bon e zis, me akoz in annan konpasyon pour nou. I'n lav nou par Lespri Sen ki'n donn nou en nouvo nesans ek en nouvo lavi.

Ebre 10:22

Alor, annou apros ver Bondye avek en leker senser, ranpli avek konfyans, avek en leker pirifye avek tou sa ki donn en move konsyans e en lekor lave avek en delo pir.

Ebre 9:10

Sa bann rityel ti konsern zis manze, bwar ek seremoni pirifikasyon, ki ti valab an atandan ki tou ava ganny renouvle.