Egzod 3:9 - Labib An Kreol Seselwa

⁹ Aprezan, leokri bann Izraelit in ariv ziska kot mwan e mon'n war ki mannyer bann Ezipsyen pe fer zot soufer.

Egzod 3:9 ပူးပေါင်းရင်းမြစ်များ

Zenez 16:11

Lanz SENYER ti dir li, “Ou ansent e ou pou donn nesans en garson. Ou ava apel li Ismael, akoz SENYER in antann ou dan ou detres.

Zenez 31:12

I ti dir, “Lev ou lizye e gete! Ou ava war ki tou bann bouk ki mont lo bann femel i pitakle. Mon'n war tou sa ki Laban pe fer ou.

2 Rwa 13:4

Yoakaz, ti enplor SENYER. SENYER ti ekout li, akoz i ti war soufrans Izrael depi ki lerwa Lasiri ti pe domin zot.

2 Rwa 20:5

“Retournen, e dir Ezekyas, sef mon pep: La sa ki SENYER, Bondye ou papa David i deklare: Mon'n antann ou lapriyer, mon'n war ou larm. Mon pou geri ou; dan trwa zour ou pou mont dan tanp SENYER.

Nehemi 9:9

Ou ti war soufrans nou bann zanset dan Lezip; ou ti antann zot kriye lo bor lanmer Rouz.

Psonm 12:5

SENYER i deklare: Akoz bann pov in ganny kraze, akoz bann ki dan bezwen pe plennyen, mon pou pran aksyon. Mon pou protez zot parey zot demande.

Psonm 9:14

pour mwan rakont devan laport Zerizalenm tou bann mervey ki ou'n fer. Mon pou danse dan lazwa, akoz ou'n delivre mwan.

Egzod 1:11

Alor, bann Ezipsyen ti apwent bann sirveyan sever pour kraz zot avek travoforse. Konmsa ki bann Izraelit ti konstri lavil Pitonm ek Ranmses pour gard rezerv manze pour Faraon.

Egzod 1:22

Alor, Faraon ti donn sa lord lepep antye, “Zot devre zet dan larivyer Nil, tou pti garson Izraelit ki ne; zot ava les viv tou bann pti fiy.”

Egzod 1:8

En nouvo lerwa ki pa ti'n konn Zozef ti mont lo tronn Lezip.

Egzod 2:23

Lontan apre, lerwa Lezip ti mor. Bann Izraelit ti kontinyen plennyen anba lesklavaz. Zot bann plent dan zot leta lesklavaz ti mont ver Bondye.

Egzod 2:25

Bondye ti regard bann Izraelit e i ti konpran.

Egzod 3:7

SENYER ti dir, “Mon'n byen war soufrans mon pep Lezip, e mon'n antann zot kriye anba kou bann sef latas. Mon konn zot soufrans.

Eklezyas 4:1

Mon'n war tou bann eksplwatasyon imen ki egziste anba soley. Kriye bann ki ganny kraze e napa personn pour ed zot. Pouvwar i dan kote bann ki pe dominen e napa personn pour sekour zot

Eklezyas 5:8

Pa etonnen si ou war bann pov pe ganny kraze par labi e kan dimoun dan pei i perdi zot drwa e pa ganny lazistis. Annefe, par lao en fonksyonner enportan, i annan en sef pli enportan ki protez li; par lao tou le de, i annan en lot sef pli enportan ankor.

Amos 4:1

Bann fanm dan montanny Samari, ki gra parey bann vas Basann, ekout sa parol: Zot ki maltret dimoun ki feb, ki kraz bann pov, e ki dir zot mari anmenn keksoz pour bwar,

Deterononm 26:7

Alor nou ti kriy ver SENYER, Bondye nou bann zanset. SENYER ti antann nou lavwa; i ti war nou lafliksyon, nou lapenn ek nou lanmizer.

1 Samyel 9:16

Demen, apepre menm ler, mon pou anvoy en zonm dan tribi Benzamen kot ou. Ou ava vers delwil lo li pour konsakre li, koman sef mon pep, Izrael. I pou delivre mon pep anba pouvwar bann Filisten. Mon'n war soufrans mon pep, e zot plent in ariv ziska kot mwan.