Egzod 3:6 - Labib An Kreol Seselwa

⁶ I ti azoute, “Mwan menm Bondye ou papa, Bondye Abrahanm, Bondye Izaak e Bondye Zakob.” Moiz ti kouver son figir akoz i ti per pour regard Bondye.

Egzod 3:6 ပူးပေါင်းရင်းမြစ်များ

Zenez 12:1

SENYER ti dir Abranm, “Kit ou pei, ou fanmir e lakaz ou papa e al dan sa pei ki mon pou montre ou.

Zenez 12:7

SENYER ti aparet avek Abranm. I ti dir li, “Mon pou donn sa pei ou desandans.” Abranm ti konstri en lotel la, pour SENYER ki ti'n aparet avek li.

Zenez 17:3

Abranm ti tonm lafas ater. Bondye ti koz avek li. I ti dir li,

Zenez 24:12

I ti priye, “SENYER, Bondye mon met Abrahanm! Permet mwan fer sa rankont ozordi, e montre ou fidelite anver mon met, Abrahanm.

Zenez 26:24

SENYER ti aparet avek li sa swar. I ti dir li, “Mwan menm Bondye ou papa, Abrahanm. Pa bezwen per, akoz mon avek ou. Mon pou beni ou e ogmant ou desandans, akoz mon serviter Abrahanm.”

Zenez 28:13

SENYER ti pe debout devan li. I ti dir li, “Mwan menm SENYER, Bondye Abrahanm ou papa e Bondye Izaak. Mon pou donn ou ek ou desandans sa later kot ou pe dormi.

Zenez 28:17

Sa landrwa i fer mwan per! Isi i vreman lakaz Bondye, laport lesyel i la.

Zenez 31:42

Si Bondye mon papa Abrahanm, ki osi Bondye Izaak, pa ti lo mon kote, sirman ou ti pou fer mwan al lanmen vid. Bondye in war mon soufrans e travay ki mon'n fer. Yer swar in rann zizman dan mon faver.”

Zenez 32:9

Zakob ti dir, “Bondye mon papa, Abrahanm e Bondye mon papa, Izaak! Ou, SENYER ki ti dir mwan: Retourn dan ou pei kot ou fanmir, e mon pou fer ou dibyen.

1 Rwa 18:36

Kan ti ler pour ofer sakrifis, profet Eli ti avanse. I ti dir, “SENYER, Bondye Abrahanm, Izaak e Izrael! Tou dimoun ava konnen ozordi, ki se ou Bondye dan Izrael; ki mwan ou serviter e ki tou sa ki mon'n fer, se lo ou parol.

1 Rwa 19:13

Kan Eli ti antann sa, i ti anvlop son figir dan son lenz, sorti deor dan lantre kavern. La, en lavwa ti dir li, “Eli, ki ou pe fer isi?”

Nehemi 9:9

Ou ti war soufrans nou bann zanset dan Lezip; ou ti antann zot kriye lo bor lanmer Rouz.

Ester 3:4

Zot ti poz li sa kestyon tou le zour, me i pa ti reponn zot. Alor, zot ti raport li avek Haman pour war si Mardose ki ti'n dir i en Zwif, pou persiste.

Psonm 132:2

I ti fer sa serman devan SENYER e sa promes avek Bondye Pwisan Zakob:

Egzod 15:2

SENYER i mon lafors ek mon pwisans. Li menm mon sover. Li menm mon Bondye, mon pou loue li. Li menm Bondye mon zanset; mon pou loue li.

Egzod 29:45

Mon pou reste parmi pep Izrael e mon pou vin zot Bondye.

Egzod 3:16

Ale, e rasanble bann ansyen parmi pep Izrael e dir zot: SENYER, Bondye zot zanset, Bondye Abrahanm, Izaak ek Zakob in aparet avek mwan. I ti dir: Mon pe entervenir dan zot faver, akoz mon'n war tou sa ki pe arive avek zot, Lezip.

Egzod 33:20

Me ou pa kapab war mon vizaz akoz personn pa kapab war mwan e kontinyen viv.”

Egzod 4:5

SENYER ti dir li, “Konmsa, zot ava krwar ki Bondye zot zanset, Bondye Abrahanm, Bondye Izaak e Bondye Zakob in aparet avek ou.”

Zeremi 24:7

Mon pou donn zot en leker, pour ki zot rekonnet ki mwan SENYER. Zot ava retourn kot mwan avek tou zot leker. Zot ava mon pep e mwan, mon pou zot Bondye.

Zeremi 31:33

La koman pou ete, sa nouvo lalyans ki mon pou fer avek mon pep, SENYER i deklare: Mon pou met mon bann lalwa dan zot leker. Alor, mon ava vin zot Bondye, e zot ava vin mon pep.

Zeremi 32:38

Alor, zot pou vin mon pep, e mon pou vin zot Bondye.

Ezekyel 11:20

Konmsa, zot ava obei mon komannman e met an pratik mon bann regleman. Zot ava vin mon pep e mwan, mon ava zot Bondye.

Zakari 8:8

Mon pou fer zot retourn dan Zerizalenm. Zot pou vin mon pep e mon pou zot Bondye ki fidel e zis.

Matye 17:6

Kan bann disip ti antann sa lavwa, zot ti per. Zot ti tonm lafas ater.

Matye 22:32

Mwan menm Bondye Abrahanm, Bondye Izaak e Bondye Zakob. Bondye pa Bondye bann mor, me Bondye bann vivan.”

Mark 12:26

Lo size rezireksyon bann mor, eski zot pa'n zanmen lir dan liv Moiz, sa ki Bondye ti dir li dan brousay anflanm: Mwan menm Bondye Abrahanm, Bondye Izaak e Bondye Zakob.

Levanzil dapre Lik 20:37

Laprev ki bann mor pou resisite, menm Moiz ti montre sa dan sa pasaz lo size sa zarbis ki ti pe brile, kan i ti apel Senyer, Bondye Abrahanm, Bondye Izaak ek Bondye Zakob.

Levanzil dapre Lik 5:8

Kan Simon ti war sa, i ti tonm azenou devan Zezi. I ti dir, “Senyer, elwanny ou avek mwan, akoz mon en zonm ki fer pese!”

Akt de Zapot 7:32

Mwan Bondye ou bann zanset, Bondye Abrahanm, Izaak ek Zakob! Moiz ti konmans tranble e i pa ti oze gete.

Akt de Zapot 7:34

Mon'n war soufrans mon pep dan Lezip. Mon'n antann zot soupir e mon'n desann pour delivre zot. Vini! Aprezan, mon pou anvoy ou Lezip.

Deterononm 6:3

Izrael! Ekoute alor, e obzerv byen sa bann komannman. Konmsa, zot ava viv ere e zot ava ganny bokou zanfan dan sa pei kot dile ek dimyel i koule annabondans, parey SENYER, Bondye ou bann zanset in promet zot.

Ebre 11:16

An realite, zot ti pe esper enn pli meyer, setadir, lesyel menm. Pour sa rezon, Bondye pa onte pour ganny apele zot Bondye, akoz i'n prepar en lavil pour zot.

Ebre 12:21

Sa spektak ti sitan terib, ki Moiz ti dir: Mon tranble avek lafreyer.

Revelasyon 1:17

Kan mon ti war li, mon ti tonm dan son lipye koman en dimoun mor. I ti poz son lanmen drwat lo mwan. I ti dir: Pa per! Mwan menm Alfa e Omega; Premye e Dernyen;

Ziz 13:22

Manoa ti dir son fanm, “Sirman nou pou mor, akoz nou'n war Bondye!”