Egzod 3:15 - Labib An Kreol Seselwa

¹⁵ Bondye ti dir ankor avek Moiz: Ou ava dir bann Izraelit: SENYER, Bondye zot zanset Bondye Abrahanm, Bondye Izaak e Bondye Zakob ki'n anvoy mwan kot zot. Sa i ava mon non pour touzour, mon non ki bann zenerasyon fitir ava envoke.

Egzod 3:15 ပူးပေါင်းရင်းမြစ်များ

Zenez 24:12

I ti priye, “SENYER, Bondye mon met Abrahanm! Permet mwan fer sa rankont ozordi, e montre ou fidelite anver mon met, Abrahanm.

1 Kronik 16:16

Son lalyans ki i ti fer avek Abrahanm, son serman ki i ti fer avek Izaak.

1 Kronik 29:18

SENYER! Bondye Abrahanm, Izaak ek Izrael, nou bann zanset, fer ki ou pep i gard pour touzour sa bon leker e fer zot leker tourn ver ou.

2 Kronik 28:9

En profet ki ti apel Oded, ti al zwenn larme ki ti pe retourn Samari. I ti dir zot, “SENYER, Bondye ou bann zanset, dan son lakoler kont zabitan Zida in abandonn zot dan ou lanmen. Me ou'n masakre zot avek telman vyolans ki menm lesyel in pran sa an kont.

Psonm 102:12

Me ou, SENYER! Ou lerwa pour touzour. Ou non pou dire atraver bann zenerasyon.

Psonm 102:13

Ou pou leve, e ou pou pran pitye pour Zerizalenm, akoz in ler pour ou konsol li. Son ler in vreman arive.

Psonm 135:13

SENYER! Ou non pou reste pour touzour. SENYER! Ou pou ganny nonmen atraver bann zenerasyon; ou ki Bondye.

Psonm 30:4

Sant pour SENYER, zot son pep fidel! Loue SENYER, akoz son non i sen!

Psonm 30:5

Son lakoler i dire zis pour en moman; me son labonte i pour touzour. Mon kapab plere tou lannwit; me ler lizour i fer, mon dan lazwa.

Psonm 68:5

Dan son sanktyer sakre, Bondye i en papa pour bann orfelen e i protez bann vev.

Psonm 72:17

Son non ava ganny selebre pour touzour; son repitasyon ava dire pour touzour e bann pep ava pronons son non pour zot beni kanmarad. Tou bann nasyon i deklar li byennere!

Psonm 72:19

Beni son non glorye pour touzour! Son laglwar i ranpli later! Amenn! Amenn!

Egzod 15:2

SENYER i mon lafors ek mon pwisans. Li menm mon sover. Li menm mon Bondye, mon pou loue li. Li menm Bondye mon zanset; mon pou loue li.

Egzod 15:3

SENYER i en gerye, Son non i SENYER.

Egzod 3:13

Moiz ti dir Bondye, “Si mon al kot pep Izrael e mon dir zot: Bondye zot zanset in anvoy mwan kot zot. Si zot demann mwan son non, ki mon pou reponn zot?”

Egzod 3:6

I ti azoute, “Mwan menm Bondye ou papa, Bondye Abrahanm, Bondye Izaak e Bondye Zakob.” Moiz ti kouver son figir akoz i ti per pour regard Bondye.

Egzod 4:1

Moiz ti reponn, “Bann Izraelit pa pou krwar mwan, zot pa pou ekout mwan. Zot pou dir: SENYER pa'n aparet avek ou.”

Egzod 4:5

SENYER ti dir li, “Konmsa, zot ava krwar ki Bondye zot zanset, Bondye Abrahanm, Bondye Izaak e Bondye Zakob in aparet avek ou.”

Egzod 6:2

Bondye ti dir Moiz, “Mwan menm SENYER.

Proverb 18:10

Non SENYER i en tour solid; i en proteksyon pour sa enn ki zis.

Ezai 26:8

SENYER! Lo sa semen ki ou'n endike, nou met nou lespwar dan ou. Nou sel dezir, se loue ou non.

Ezai 42:8

Mwan menm SENYER, sa i mon non. Mon pa les personn pran mon laglwar, ni les bann zidol pran loner ki pour mwan.

Ezai 63:12

Pandan lamars, lekel ki ti soutenir Moiz par son lebra pwisan? I ti separ lanmer devan zot pour li fer son non ganny renonmen pour touzour.

Ezai 9:6

En zanfan in ne pour nou; nou'n ganny en garson. Lotorite i repoz lo son zepol. Zot apel li: Konseye merveye, Bondye pwisan, Papa eternel, Prens Lape.

Zeremi 33:2

La sa ki SENYER ki'n kree later, ki'n donn li son laform e ki'n met li dan son plas, li menm ki son non i SENYER, i deklare:

Danyel 2:23

Bondye mon bann zanset! Mon montre mon rekonesans e louanz anver ou, akoz ou'n donn mwan lasazes ek pwisans, e la, ou'n revel mwan sa ki nou'n demann ou; ou'n revel nou sa ki lerwa in ordonnen.

Oze 12:5

SENYER i Bondye liniver; son non i SENYER. Konmsa ki i devre ganny envoke.

Oze 12:6

Me ou, ou devre retourn kot ou Bondye, pratik lanmour e annan respe pour lazistis; touzour met ou lesperans dan ou Bondye.

Levitik 24:11

Garson sa fanm Izraelit ti blasfenm non SENYER e ensilte li. I ti ganny anmennen devan Moiz. Sa fanm Izraelit ti apel Selomit, fiy Dibri, sorti dan tribi Dann.

Mise 4:5

Si sak nasyon pe obei son bondye, nou, nou pou ador e obei nou SENYER, nou Bondye pour touzour e touzour.

Malasi 3:6

Mwan, SENYER, mon pa sanze. Pour sa rezon ki zot, bann desandans Zakob, ki pa'n ganny eksterminen.

Matye 22:32

Mwan menm Bondye Abrahanm, Bondye Izaak e Bondye Zakob. Bondye pa Bondye bann mor, me Bondye bann vivan.”

Akt de Zapot 3:13

Bondye Abrahanm, Izaak ek Zakob, Bondye tou nou bann zanset, in montre mazeste son serviter Zezi-Kri, ki zot ti livre avek lotorite, e renye devan Pilat, ki pourtan ti'n deside larg li.

Akt de Zapot 7:32

Mwan Bondye ou bann zanset, Bondye Abrahanm, Izaak ek Zakob! Moiz ti konmans tranble e i pa ti oze gete.

Deterononm 1:11

Mon swete ki SENYER, Bondye zot zanset, ava ogmant zot mil fwa plis e ki i ava beni zot, parey in promet zot!

Deterononm 1:35

Personn, pa enn dan sa zenerasyon pervers pou war sa bon pei ki mon'n promet donn zot bann zanset,

Deterononm 4:1

Moiz ti dir pep Izrael: Aprezan, Izrael! Ekout bann regleman ek bann lalwa ki mon pe ansenny zot, pour zot met an pratik. Konmsa, zot ava viv pour antre e pran posesyon pei ki SENYER, Bondye zot bann zanset pe al donn zot.

Ebre 11:16

An realite, zot ti pe esper enn pli meyer, setadir, lesyel menm. Pour sa rezon, Bondye pa onte pour ganny apele zot Bondye, akoz i'n prepar en lavil pour zot.

Ebre 13:8

Zezi-Kri i reste parey, yer, ozordi, demen e pour touzour.