Egzod 3:13 - Labib An Kreol Seselwa

¹³ Moiz ti dir Bondye, “Si mon al kot pep Izrael e mon dir zot: Bondye zot zanset in anvoy mwan kot zot. Si zot demann mwan son non, ki mon pou reponn zot?”

Egzod 3:13 ပူးပေါင်းရင်းမြစ်များ

Zenez 32:29

Zakob ti demann li, “Dir mwan ou non.” I ti dir, “Akoz ou demann mwan mon non?” Alor, i ti beni Zakob.

Egzod 15:3

SENYER i en gerye, Son non i SENYER.

Egzod 3:12

Bondye ti dir li, “Mon pou avek ou. La siny ki se mwan ki anvoy ou: Kan ou ava'n fer pep Izrael sorti Lezip, zot pou vin ador Bondye lo sa montanny.”

Egzod 3:14

Bondye ti dir Moiz, “Mwan menm Sa Enn ki la depi touzour. Dir bann Izraelit: Sa Enn ki egziste depi touzour in anvoy mwan kot zot.”

Egzod 3:15

Bondye ti dir ankor avek Moiz: Ou ava dir bann Izraelit: SENYER, Bondye zot zanset Bondye Abrahanm, Bondye Izaak e Bondye Zakob ki'n anvoy mwan kot zot. Sa i ava mon non pour touzour, mon non ki bann zenerasyon fitir ava envoke.

Egzod 7:16

Ou ava dir Faraon: SENYER, Bondye bann Ebre in anvoy mwan kot ou pour dir ou: Les mon pep ale pour li al servi mwan dan dezer. Ziska aprezan, ou pa'n ekoute.

Proverb 30:4

Lekel ki'n mont dan lesyel e ki'n desann? Lekel ki'n atrap divan dan kre son lanmen? Lekel ki'n anvlop delo dan son lenz? Lekel ki'n plas bann limit later? Ki mannyer i apele? Koman son garson i apele? Si ou konnen, dir mwan.

Ezai 52:6

Pour sa rezon ki mon pep pou konnen lekel mwan; pour sa rezon, sa zour la, i pou konnen ki mwan ki pe koze: La mon pe vini!

Ezai 7:14

Alor, SENYER li menm pou donn zot en siny: En zenn fiy i ansent e i pou met omonn en garson. I pou apel li Emanouel. Savedir: Bondye avek nou.

Ezai 9:6

En zanfan in ne pour nou; nou'n ganny en garson. Lotorite i repoz lo son zepol. Zot apel li: Konseye merveye, Bondye pwisan, Papa eternel, Prens Lape.

Zeremi 23:6

Pandan son renny, rwayonm Zida pou ganny libere e pep Izrael pou viv dan lape. I pou ganny apele: SENYER ki nou lazistis.

Matye 1:21

I pou donn nesans en garson, e ou ava apel li Zezi, akoz i pou sov son pep dan son bann pese.”

Matye 1:23

En zenn fiy vyerz pou tonm ansent; i pou donn nesans en garson, e zot pou apel li Emanouel, savedir, Bondye i avek nou.

Akt de Zapot 3:13

Bondye Abrahanm, Izaak ek Zakob, Bondye tou nou bann zanset, in montre mazeste son serviter Zezi-Kri, ki zot ti livre avek lotorite, e renye devan Pilat, ki pourtan ti'n deside larg li.

Ziz 13:17

Alor, Manoa ti dir mesaze SENYER, “Koman ou apele? Nou ti ava kontan fer ou loner, zour ou bann parol ava ganny realize.”

Ziz 13:6

Sa fanm ti al dir son mari, “En mesaze Bondye in vin war mwan; i ti parey en lanz Bondye; i ti efreyan. Mon pa ti demann li kote i sorti e i pa'n dir mwan son non.