Egzod 3:12 - Labib An Kreol Seselwa

¹² Bondye ti dir li, “Mon pou avek ou. La siny ki se mwan ki anvoy ou: Kan ou ava'n fer pep Izrael sorti Lezip, zot pou vin ador Bondye lo sa montanny.”

Egzod 3:12 ပူးပေါင်းရင်းမြစ်များ

Zenez 15:1

Apre sa bann levennman, SENYER ti koz avek Abranm dan en vizyon. I ti dir li, “Abranm! Pa bezwen per. Mwan ou boukliye dan danze. Mon pou donn ou en gran rekonpans.”

Zenez 15:8

Abranm ti dir, “Senyer BONDYE, ki mannyer mon pou konnen ki mon pou posed sa pei?”

Zenez 26:3

Reste dan sa pei koman en etranze e mwan, mon pou avek ou, mon pou beni ou, akoz mon pou donn ou ek ou desandans sa bann pei. Mon pou gard serman ki mon ti fer avek ou papa, Abrahanm.

Zenez 31:3

Alor, SENYER ti dir Zakob, “Retourn dan pei ou zanset, dan pei kot ou sorti e mon ava avek ou.”

2 Rwa 19:29

La siny ki mon donn ou: Sa lannen ou pou manz sa ki'n pous tousel; dan dezyenm lannen, sa ki pouse sorti dan lagrenn ki'n tonbe; dan trwazyenm lannen ou ava senmen, rekolte, plant rezen e manz son fri.

1 Kronik 9:20

Fineas, garson Eleazar ti zot sef dan lepase; SENYER ti avek li.

Psonm 86:17

Montre mwan en siny ou labonte. Fer mon bann lennmi war e zot ava onte, akoz ou, SENYER, ou'n vin sekour mwan e ou'n konsol mwan.

Egzod 18:5

Avek bann garson e fanm Moiz, Zetro, boper Moiz, ti al war li dan dezer kot i ti pe kanpe kot montanny Bondye.

Egzod 3:1

Moiz ti pe gard troupo son boper, Zetro ki ti pret dan Madyann. I ti anmenn troupo lot kote dezer ziska Horeb, montanny Bondye.

Egzod 3:13

Moiz ti dir Bondye, “Si mon al kot pep Izrael e mon dir zot: Bondye zot zanset in anvoy mwan kot zot. Si zot demann mwan son non, ki mon pou reponn zot?”

Egzod 33:14

SENYER ti dir, “Mwan menm ki pou kondwir ou e mon pou donn ou mon repo.”

Egzod 4:12

Ale aprezan. Mwan menm, mon pou avek ou labous e mon pou ansenny ou sa ki ou devre dir.”

Egzod 4:15

Ou ava koz avek li e dir li sa ki i devre dir. Mwan, mon pou avek zot labous ler zot pou koze, e ansenny zot sa ki zot annan pour fer.

Egzod 8:27

Nou bezwen mars pandan trwa zour dan dezer e ofer sakrifis pour SENYER nou Bondye parey in ordonn nou.”

Ezai 37:30

La siny ki mon donn ou: Sa lannen, ou pou manz sa ki'n pous tousel; dan dezyenm lannen, sa ki pouse sorti dan lagrenn ki'n tonbe; dan trwazyenm lannen, ou ava senmen, rekolte, plant pye rezen e manz son fri.

Ezai 41:10

Pa bezwen per, akoz mon avek ou. Pa bezwen enkyet, akoz mwan menm ou Bondye. Mon pou rann ou for, mon pou ed ou, mon pou soutenir ou avek mon lanmen ki donn laviktwar.

Ezai 43:2

Si ou travers lanmer, mon pou avek ou; si ou travers bann gran larivyer, ou pa pou ganny trennen. Si ou mars atraver dife, ou pa pou ganny brile, e bann laflanm pa pou fer ou dimal,

Ezai 7:14

Alor, SENYER li menm pou donn zot en siny: En zenn fiy i ansent e i pou met omonn en garson. I pou apel li Emanouel. Savedir: Bondye avek nou.

Zeremi 1:8

Pa bezwen per zot! Mon pou avek ou pour protez ou.

Nonm 16:28

Moiz ti dir: La koman zot ava rekonnet ki SENYER in anvoy mwan pour fer tousala e ki mon pa'n fer nanryen lo mwan menm.

Nonm 23:21

I pa'n war okenn maler dan Zakob. I pa war okenn lenzistis dan Izrael. SENYER, zot Bondye i avek zot. I'n ganny proklanmen ki li menm li zot lerwa.

Matye 28:20

Ansenny zot pour obei tou sa ki mon'n komann zot. Pa oubliye: Mwan, mon pou avek zot tou le zour, ziska lafen lemonn.”

Mark 16:20

Bann disip ti al anons Bonn Nouvel partou. Senyer ti ed zot dan sa travay. I ti konfirm son mesaz par bann siny ki ti akonpanny li.

Akt de Zapot 11:21

Pwisans Senyer ti avek zot: En gran kantite dimoun ti krwar e aksepte tourn ver Senyer.

Akt de Zapot 7:7

Me mon pou pas mon zizman lo sa nasyon ki'n fer zot lesklav. Apre, zot pou kit sa pei e zot pou vin ador mwan isi dan sa pei.

Romen 8:31

Ki nou kapab dir ankor? Si Bondye i pour nou, lekel ki pou kapab kont nou?

Deterononm 31:23

Answit, SENYER ti donn son bann lord Zozye, garson Noun: Reste for e pran kouraz, akoz ou pou kondwir bann Izraelit dan pei ki mon ki promet zot par serman; mon pou avek ou.

Ebre 13:5

Pa les lanmour pour larzan domin zot lavi. Me kontant zot avek sa ki zot annan, akoz Bondye li menm ti dir: Mon pa pou zanmen negliz ou, mon pa pou zanmen abandonn ou.

Zozye 1:5

Personn pa pou tenir devan ou, tou dilon ou lavi. Mon pou avek ou, parey mon ti avek Moiz. Mon pou touzour avek ou. Mon pa pou abandonn ou.

Ziz 6:12

Mesaze SENYER ti aparet avek li. I ti dir li, “SENYER i avek ou, vayan gerye!”

Ziz 6:16

SENYER ti reponn, “Mon pou avek ou e ou pou bat bann Madyanit konmsi zot ti en sel zonm.”

Ziz 6:17

Zedeon ti dir li, “Si vreman mon ganny ou faver, donn mwan en siny pour prouve ki ou menm ki pe koz avek mwan.

Ziz 6:21

Avek baton ki ti dan son lanmen, mesaze SENYER ti tous lavyann ek bann dipen san lelven. En dife ti sorti dan ros e bril sa lavyann ek bann dipen san lelven. Apre, mesaze SENYER ti disparet.

Ziz 7:11

Ou ava antann sa ki zot pe dir; apre, ou ava pran kouraz pour atak kan.” Zedeon ti desann avek Poura, son serviter, ziska bann avan post dan kan.

1 Samyel 14:10

Me si zot dir nou: Mont kot nou, nou ava monte, akoz SENYER in livre zot dan nou lanmen. Sa i ava en siny pour nou.”