Egzod 29:40 - Labib An Kreol Seselwa

⁴⁰ Avek premye zenn mouton, ou ava ofer trwa kilo lafarin meyer kalite, en lit edmi delwil meyer kalite e en lit edmi diven pour lofrann labwason.

Egzod 29:40 ပူးပေါင်းရင်းမြစ်များ

Zenez 35:14

Zakob ti etabli en ros pilye dan sa landrwa kot Bondye ti'n koz avek li. I ti vers en lofrann labwason lo la, e vers delwil osi.

2 Rwa 3:20

Alor, granmaten, letan zot fer prezantasyon lofrann, delo ti koule sorti dan kote Edonm, e pei antye ti ranpli avek delo.

Egzod 16:36

Mezir ki zot ti servi ti apel omer, anviron de lit.

Egzod 29:39

Ou ava ofer en zenn mouton bomaten e lot, aswar.

Egzod 29:41

Aswar, ou ava ofer lot zenn mouton, en lofrann vezetal ek son bann lofrann labwason parey bomaten. Sa i en lofrann brile par dife ki donn en loder ki fer plezir SENYER.

Egzod 30:24

senk kilo kasi, dapre pwa ki servi dan sanktyer ek sis lit delwil doliv.

Ezai 57:6

Parmi bann ros poli dan vale, sanmenm sa par ki vin pour zot. Zot in ofer sakrifis labwason; zot in anmenn sakrifis sereal. Eski zot krwar ki tousala i kapab apez mwan?

Ezekyel 20:28

Mon'n anmenn zot dan sa pei ki mon ti promet par en serman pour donn zot. Me zot in les zot ganny atire par sak kolin ek sak touf feyaz. La, zot in ofer zot bann sakrifis, prezant bann don ki ti fer mwan ankoler par bann lofrann avek loder ki ti fer plezir ek lofrann labwason. Zot in fer tousala zis pour fer monte mon lakoler.

Ezekyel 4:11

Ou ava osi bwar en rasyon delo: En lit par zour.

Ezekyel 45:17

Lobligasyon i tonm lo prens pour fourni sa ki neseser pour sakrifis konplet, lofrann vezetal ek lofrann diven pandan lafet, sirtou, bann nouvellin ek bann saba ek tou lezot seremoni ki ganny rekomande pour pep Izrael. I devre ofer sakrifis pour pese, lofrann vezetal, sakrifis konplet ek sakrifis lape, pour ki pep Izrael i ganny pardon son pese.

Ezekyel 45:24

Koman lofrann vezetal, i ava ofer 30 kilo dible pour sak toro, avek sis lit delwil pour sak toro ek sak mouton sakrifis.

Ezekyel 46:11

Pour bann zour lafet ek bann gran seremoni, zot ava ofer 30 kilo dible par toro, oubyen mouton mal; lofrann avek zenn mouton i ava sa ki i war bon. I ava azout sis lit delwil pour 30 kilo dible.

Ezekyel 46:14

Tou le bomaten, zot ava osi ofer SENYER senk kilo lafarin melanze avek de lit delwil. Sa bann regleman pour lofrann tou le zour i valab pour touzour.

Ezekyel 46:5

I ava osi ofer en lofrann 30 kilo dible pour sak mouton mal; me pour bann zenn mouton, i ava met kantite dible ki i ava war bon e azout sis lit delwil.

Ezekyel 46:7

I ava ofer en lofrann 30 kilo lafarin par toro e pour bann zenn mouton, lakantite lafarin ki i ava war bon; e i ava azout sis lit delwil pour sak 30 kilo lafarin.

Oze 9:4

I pa pou vers lofrann diven devan SENYER; zot sakrifis pa pou fer li plezir. I pou koman en dipen dey, tou sa ki manze pou vin enpir; sa dipen pou zis pour zot vant; i pa pou antre dan tanp SENYER.

Zoel 1:13

Zot bann pret! Met zot lenz dey! Lamante, zot ki servi lo lotel! Antre dan tanp e pas lannwit dan lenz dey. Lamante, zot bann serviter Bondye! I nepli annan lofrann vezetal ek lofrann diven dan tanp zot Bondye.

Zoel 1:9

Personn nepli anmenn lofrann vezetal, ni lofrann labwason dan tanp SENYER.

Zoel 2:14

Petet i ava sanz son desizyon, e donn ou son benediksyon! Alor, ofer SENYER, ou Bondye en lofrann dible ek diven.

Levitik 23:13

Avek lofrann vezetal, zot ava ofer en lofrann brile sis kilo lafarin petri avek delwil, en lofrann ki anvoy en loder ki fer plezir SENYER, ek lofrann en lit edmi diven.

Levitik 6:13

Sa dife i devre reste touzour alimen lo lotel; i pa devre zanmen tennyen.

Nonm 15:24

Si sa i en fot envolonter san ki kominote i konnen, kominote antye ava ofer en toro koman sakrifis konplet, ki ava donn en loder ki fer plezir SENYER. Zot ava azout en lofrann vezetal avek lofrann diven, dapre regleman. An plis ki sa, zot ava ofer en bouk koman en sakrifis pour efas pese. Sa ava donn en loder ki fer plezir SENYER.

Nonm 15:7

ansanm avek 1.5 lit diven avek sa sakrifis konplet. Sa i pou donn en loder ki fer plezir SENYER.

Nonm 28:10

Sa sakrifis konplet devret ganny ofer sak saba, an plis sakrifis ki zot ofer sak zour avek lofrann diven.

Nonm 28:24

Zot ava repet sa sakrifis tou le zour pandan sa set zour, en sakrifis konplet avek lofrann vezetal ki donn loder ki fer plezir SENYER.

Nonm 28:5

Pour lofrann vezetal: En kilo lafarin melanze avek en lit delwil doliv pir.

Nonm 29:16

An plis, ofer en bouk pour pardon zot pese, ansanm avek zot sakrifis konplet ordiner, zot lofrann vezetal avek diven.

Nonm 4:16

Eleazar, garson pret Aaron, pou ansarz delwil pour bann lalanp, lansan parfimen, lofrann vezetal, delwil pour konsekrasyon: I pou ansarz tou sa ki pase dan Latant Sanktyer e lo son bann istansil.

Deterononm 32:38

Oli sa ki ti manz lagres zot bann sakrifis e bwar diven zot bann lofrann? Zot devre leve e vin sekour zot, oubyen vin protez zot.

Filipyen 2:17

Petet ki mon disan ava ganny verse koman en lofrann avek sakrifis ki zot lafwa i prezante devan Bondye. Si sa i arive, mon ere e mon partaz mon lazwa avek zot tou.